കൊച്ചി: ദി ഇന്‍സ്റ്റിറ്റിയൂഷന്‍ ഓഫ് ഹോമിയോപ്പത്‌സ് കേരള, ആലുവയും (IHK ALUVA ) ഹോമിയോപ്പതിക് റിസേര്‍ച് & ഡെവലപ്‌മെന്റ് ഫൗണ്ടേഷന്‍ (H-RDF) മുംബൈയും ചേര്‍ന്ന് ഭിന്നശേഷിയുള്ള കുട്ടികളുടെ ചികിത്സക്കായി നടത്തുന്ന സൗജന്യ തുടര്‍ചികിത്സാ ക്യാമ്പ് ആലുവ അദ്വൈതാശ്രമതില്‍ വെച്ച് ലോക ഹോമിയോപ്പതി ദിനമായ ഏപ്രില്‍ 10ന് ആരംഭിക്കും. ഹോമിയോപ്പതി വിദഗ്ദനായിരുന്ന ഡോ .പ്രഫുല്‍ വിജയകര്‍ രൂപം നല്‍കിയതും ജനിതക വൈകല്യങ്ങളില്‍ ഉയര്‍ന്ന ഫലപ്രാപ്തി നല്‍കുന്നതുമായ പ്രെഡിക്റ്റീവ് ഹോമിയോപ്പതി എന്ന ചികിത്സാരീതിയില്‍ പ്രത്യേക പ്രാവീണ്യം നേടിയിട്ടുള്ള വിദഗ്ദ്ധ ഡോക്ടര്‍മാരുടെ പാനലാണ് രോഗികളെ പരിശോധിക്കുന്നത്.

ഡോ.വി.വിജയാനന്ദ് മെമ്മോറിയല്‍ ചാരിറ്റബിള്‍ ട്രസ്റ്റ് സ്പോണ്‍സര്‍ ചെയ്യുന്ന ക്യാമ്പില്‍ എല്ലാ മാസവും തുടര്‍ച്ചയായി സൗജന്യ പരിശോധനയും മരുന്നും നല്‍കും. ക്യാമ്പില്‍ ഡോ.കെ.വി .ഷോയ്സണ്‍ ന്റെ നേതൃത്വത്തില്‍ ഇരുപതോളം ഡോക്ടര്‍മാരും ഫിസിയോതെറാപിസ്റ്റ് ഉള്‍പ്പെടെയുള്ള വിദഗ്ധരും ഉണ്ടായിരിക്കും. . പ്രെഡക്റ്റിവ് ഹോമിയോപ്പതി, മുംബൈയില്‍ നിന്നും ഡോ. അംബരീഷ് വിജയകര്‍ അടക്കമുള്ള വിദഗ്ധര്‍ കൃത്യമായ ഇടവേളകളില്‍ ക്യാമ്പില്‍ പങ്കെടുക്കുകയും മാര്‍ഗ്ഗനിര്‍ദ്ദേശങ്ങള്‍ നല്‍കുകയും ചെയ്യും. ക്യാമ്പില്‍ പങ്കെടുക്കുന്നതിനും മറ്റ് വിവരങ്ങള്‍ക്കും വിളിക്കേണ്ട നമ്പര്‍ - (ഡോ. ഉണ്ണി വെളിയത്ത് 9544066622 /9387466622). ക്യമ്പില്‍ പങ്കെടുക്കുന്നവര്‍ മുന്‍കൂര്‍ പേര് നല്‍കേണ്ടതാണ്.