തൃശൂര്‍: റോഡില്‍ കുടുങ്ങിയ പൂച്ചയെ രക്ഷിക്കാന്‍ ശ്രമിച്ച യുവാവ് വാഹനം ഇടിച്ച് മരിച്ചു. തൃശൂര്‍ മണ്ണുത്തിയിലാണ് സംഭവം. കാളത്തോട് ചിറ്റിലപ്പള്ളി സിജോ (42) ആണ് മരിച്ചത്. ബൈക്ക് നിര്‍ത്തി റോഡ് മുറിച്ചു കടക്കാന്‍ ശ്രമിക്കുന്നതിനിടെയാണ് കാര്‍ ഇടിച്ചു മരിച്ചത്. അപകടം നടന്നയുടന്‍ ഓടിക്കൂടിയ നാട്ടുകാര്‍ സിജോയെ തൃശ്ശൂരിലെ സ്വകാര്യ ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാനായില്ല.

കഴഞ്ഞ ദിവസം രാത്രി പത്തു മണിയോടെയായിരുന്നു അപകടം. റോഡില്‍ പൂച്ചയെ കണ്ട സിജോ ബൈക്ക് റോഡരികില്‍ നിര്‍ത്തി റോഡ് മുറിച്ച പൂച്ചക്കരികിലേക്കു പോകാന്‍ ശ്രമിക്കുന്നതിനിടെ എതിര്‍ദിശയില്‍നിന്നു വന്ന ലോറി ദേഹത്ത് തട്ടി വീഴുകയായിരുന്നു. ഈ സമയം പിന്നാലെ വന്ന കാര്‍ സിജോയുടെ ദേഹത്തിലൂടെ കയറി വലിച്ചിഴക്കുകയായിരുന്നു.