തൃശൂര്‍: മാള കുഴൂരില്‍ നിന്ന് കാണാതായ ആറുവയസുകാരനെ വീടിനു സമീപമുള്ള കുളത്തില്‍ മരിച്ച നിലയില്‍ കണ്ടെത്തി. കുഴൂര്‍ സ്വര്‍ണപ്പള്ളം റോഡില്‍ മഞ്ഞളി അജീഷിന്റെ മകന്‍ ആബേലിന്റെ മൃതദേഹമാണ് കണ്ടെത്തിയത്. താനിശേരി സെന്റ് സേവ്യേഴ്സ് സ്‌കൂള്‍ യു.കെ.ജി വിദ്യാര്‍ത്ഥിയാണ്. കുട്ടിയുടെ മരണം കൊലപാതകമെന്നാണ് പോലീസിന്റെ പ്രാഥമിക നിഗമനം. ആബേലിനെ ഇന്ന് വൈകുന്നേരം മുതലാണ് കാണാതായത്.

സംഭവവുമായി ബന്ധപ്പെട്ട് 20കാരനായ ജോജോയെ പോലീസ് കസ്റ്റഡിയില്‍ എടുത്തു. ഇയാള്‍ പറഞ്ഞ പ്രകാരമാണ് കുളത്തില്‍ നിന്ന് കുട്ടിയുടെ മൃതദേഹം കണ്ടെത്തിയത്. കുട്ടിയെ ജോജോ കുളത്തിലേക്ക് തള്ളിയിടുകയായിരുന്നു എന്നാണ് പോലീസ് പറയുന്നത്. ജോജോയെ ചോദ്യം ചെയ്തു വരികയാണെന്നും അതിന് ശേഷം മാത്രമേ കൂടുതല്‍ വിവരം ലഭ്യമാകൂ പോലീസ് അറിയിച്ചു.