പൊന്നാനി: വ്രതമാസവും ചെറിയ പെരുന്നാളും വിടചൊല്ലിയ സാഹചര്യത്തില് വരാനിരിക്കുന്ന വിശുദ്ധ തീര്ത്ഥാടനം സംബന്ധിച്ച ഊര്ജിതമായ ഒരുക്കങ്ങളിലായി എങ്ങുമുള്ള മുസ്ലിം വിഭാഗങ്ങള്. ഹജ്ജിന് പോകുന്നവരും അവരെ യാത്രയാക്കുന്നവര്ക്കും ഇനിയുള്ള ദിനങ്ങളില് മുഖ്യം അത് തന്നെ.
കേരളത്തില് നിന്ന് ഏകദേശം കാല്കോടിയിലേറെ വിശ്വാസികളാണ് പുണ്യകര്മത്തിനായി വര്ഷം തോറും ഹജ്ജ് അനുഷ്ടാനത്തില് പങ്കെടുക്കാറുള്ളത്. സംസ്ഥാന ഹജ്ജ് കമ്മിറ്റി മുഖേനയുള്ള ഏകദേശം പതിനയ്യായിരം തീര്ത്ഥാടകകര്ക്ക് പുറമേ വിവിധ സംഘടനകള്, ട്രാവല് ഏജസികള്, സന്നദ്ധ ഗ്രൂപ്പുകള് എന്നിവയിലൂടെയും ഒറ്റക്കും അത്രത്തോളം വിശ്വാസികളാണ് തീര്ത്ഥാടനത്തിന് പോകാറുള്ളത്.
ജൂണ് മാസം ആദ്യ വാരത്തിലാണ് ഒരാഴ്ചയോളം നീണ്ടു നില്ക്കുന്ന ഈ വര്ഷത്തെ (ഹിജ്റാബ്ദം 1446 / ക്രിസ്താബ്ദം 2025) ലെ വിശുദ്ധ ഹജ്ജ്.
ഹജ്ജുമായി ബന്ധപ്പെട്ട നിരവധി പരിപാടികള് അരങ്ങേറുന്ന പൊന്നാനിയില് ഇത്തവണ റമദാനിന് ശേഷം നടക്കുന്ന ആദ്യത്തെ സംഭവമായി എസ് വൈ എസ് പൊന്നാനി സോണ് കമ്മിറ്റിയുടെ നേതൃത്വത്തില് അരങ്ങേറിയ ഹജ്ജ് പഠന ക്യാമ്പ്. യാത്രാ സംബന്ധ വിവരങ്ങള്, ചരിത്ര പഠനം, വീട്ടില് നിന്നിറങ്ങി തിരിച്ചെത്തുന്നതുവരെയുള്ള കര്മങ്ങള് എന്നിവയുടെ വിശദമായ പഠനവും ചോദ്യോത്തരങ്ങളുമായിരുന്നു ക്യാമ്പില് ഉടനീളം.
ആര് വി പാലസ് ഓഡിറ്റേറിയത്തില് അരങ്ങേറിയ പരിപാടി മുന് സംസ്ഥാന ഹജ്ജ് കമ്മിറ്റിയംഗം കെ എം മുഹമ്മദ് ഖാസിം കോയ ഉദ്ഘാടനം ചെയ്തു. എസ് വൈ എസ് പൊന്നാനി സോണ് പ്രസിഡന്റ് വി പി എം സുബൈര് ബാഖവി ആധ്യക്ഷ്യം വഹിച്ചു. സമസ്ത മലപ്പുറം ജില്ലാ സെക്രട്ടറി ഇബ്രാഹിം ബാഖവി മേല്മുറി ക്ലാസിന് നേതൃത്വം നല്കി. ഹുസൈന് അയിരൂര് സ്വാഗതവും അനസ് അംജദി നന്ദിയും പറഞ്ഞു.
Related News
