മലപ്പുറം: ചാര്‍ജ് ചെയ്യുന്നതിനിടെ ഇലക്ട്രിക് സ്‌കൂട്ടര്‍ കത്തി നശിച്ചു. മലപ്പുറം വളാഞ്ചേരി ഇരുമ്പിളിയം സ്വദേശി സൈഫുദ്ദീന്റെ ഉടമസ്ഥതയിലുള്ള വാഹനമാണ് കത്തി നശിച്ചത്. വീട്ടുമുറ്റത്ത് നിര്‍ത്തിയിട്ട് ചാര്‍ജ് ചെയ്യുന്നതിനിടെയായിരുന്നു അപകടം. വീടിന് തീപ്പിടുത്തത്തില്‍ ഭാഗികമായി കത്തിനശിച്ചു.

ഇന്നലെ പുലര്‍ച്ചെ മൂന്നേകാലോടെയാണ് സംഭവമെന്ന് സൈഫുദ്ദീന്‍ പറഞ്ഞു. ബാറ്ററിയുടെ ഭാഗത്തുനിന്നാണ് തീപടര്‍ന്നതെന്നും പിന്നാലെ വാഹനം പൂര്‍ണമായും കത്തിനശിക്കുകയായിരുന്നെന്നും സൈഫുദ്ദീന്‍ പറഞ്ഞു. തീ ആളിപ്പടര്‍ന്നതോടെ വീടിന്റെ ജനലുള്‍പ്പെടെ കത്തി. വീട്ടില്‍ ആള്‍ത്താമസമുണ്ടായിരുന്നില്ല. ഇവിടെയൊരു ബേക്കറി യൂണിറ്റ് പ്രവര്‍ത്തിച്ചുവരികയായിരുന്നു.