പൊന്നാനി: കേന്ദ്രസര്ക്കാര് കൊണ്ടുവന്ന വഖഫ് ഭേദഗതി നിയമത്തിനെതിരെ പൊന്നാനിയില് വെള്ളിയാഴ്ച ബഹുജനറാലിയും പ്രതിഷേധ സംഗമവും അരങ്ങേറും. പൊന്നാനിയിലെ മത സാംസ്കാരിക സംഘടനകളുടെ കൂട്ടായ്മയായ 'സമന്വയം' പൊന്നാനിയുടെ നേതൃത്വത്തിലാണ് റാലിയും സമ്മേളനവും.
വൈകീട്ട് നാലിന് പൊന്നാനി ഫിഷിങ് ഹാര്ബറില് നിന്നാരംഭിക്കുന്ന റാലി മൂന്ന് കിലോമീറ്റര് താണ്ടി കുണ്ടുകടവ് ജംഗ്ഷനില് സമാപിക്കുമെന്ന് സംഘാടകര് വാര്ത്താസമ്മേളനത്തില് അറിയിച്ചു. തുടര്ന്ന്, വൈകീ ട്ട് 6:30ന് കുണ്ടുകടവ് ജങ്ഷനിലാണ് പ്രതിഷേധ സംഗമം.
പൊന്നാനി നിയമസഭാംഗം പി നന്ദകുമാര് പ്രതിഷേധ സമ്മേളനം ഉദ്ഘാടനം ചെയ്യും. യു ഡി എഫ് ജില്ല ചെയര്മാന് പി ടി അജയ്മോഹന്, മുസ്ലിം ലീഗ് സംസ്ഥാന സെക്രട്ടറി അബ്ദുറഹിമാന് രണ്ടത്താണി, സി പി എം ജില്ല സെക്ര ട്ടറിയേറ്റ് അംഗം പി കെ ഖലീമുദ്ദീന്, സി പി ഐ സംസ്ഥാന എക്സിക്യൂട്ടീവ് അംഗം അജിത് കൊളാടി, പൊന്നാനി മഖ്ദൂം എം പി മുത്തുക്കോയ തങ്ങള്, മുന് സംസ്ഥാന ഹജ്ജ് കമ്മിറ്റി അംഗം കെ എം മുഹമ്മദ് ഖാസിം കോയ, അബ്ദുല് മജീദ് ഫൈസി, അബ്ദുറഹിമാന് ഫാറൂഖി, സി വി അബൂ സാലിഹ്, ഓ ഓ ഷംസു, മുഹമ്മദ് പൊന്നാനി, ജാഫര് അലി ദാരിമി, സി എം അഷ്റഫ് മൗലവി, പി ശാഹുല്ഹമീദ്, സി വി അബ്ദുല്ല കുട്ടി, വി എം ബഷീര്, പി അബ്ദുസ്സലാം, കെ വി നദീര്, പി വി അബ്ദുല്ലത്തീഫ്, കെ പി മൂസ, കെ കെ മുഹമ്മദ് ഇഖ്ബാല്, അഷ്റഫ് ജാവ, കമാല് മാസ്റ്റര്, സക്കീര് പി.പി തുടങ്ങിയവര് പങ്കെടുക്കും.
വാര്ത്ത സമ്മേളനത്തില് സമന്വയം ചെയര്മാന് കെ എം മുഹമ്മദ് ഖാസിം കോയ, അബ്ദുറഹിമാന് ഫാറൂഖി, സി വി അബ്ദുല്ലകുട്ടി, എം പി നിസാര് എന്നിവര് സംബന്ധിച്ചു.
Related News
