ദോഹ: മുനിസിപ്പാലിറ്റി മന്ത്രാലയം (MoM), റാസ് ലഫാന് കമ്മ്യൂണിറ്റി ഔട്ട്റീച്ച് പ്രോഗ്രാമുമായി സഹകരിച്ച് രാജ്യത്തിന്റെ വടക്ക് ഭാഗത്ത് അബു അല് ധലൂഫ് പാര്ക്കിന് സമീപം മുനിസിപ്പാലിറ്റി മന്ത്രാലയം (MoM), 'ചില്ഡ്രന്സ് സ്ട്രീറ്റ്' തുറന്നു. യഥാര്ത്ഥമെന്ന് തോന്നുന്ന തരത്തില് കുട്ടികളുടെ മനസ്സില് ഗതാഗത സുരക്ഷാ ആശയങ്ങളും ഉത്തരവാദിത്തവും വളര്ത്തിയെടുക്കാന് ലക്ഷ്യമിട്ടുള്ള വിദ്യാഭ്യാസപരവും വിനോദപരവുമായ ഇടങ്ങള് 'ചില്ഡ്രന്സ് സ്ട്രീറ്റി'ല് ഉള്പ്പെടുത്തിയിട്ടുണ്ട്. അല് ഷമാല് മുനിസിപ്പാലിറ്റി ഡയറക്ടര് ഹമദ് ജുമാ അല് മന്നായി, റാസ് ലഫാന് കമ്മ്യൂണിറ്റി ഔട്ട്റീച്ച് പ്രോഗ്രാമിലെ നിരവധി ഉദ്യോഗസ്ഥര്, മുനിസിപ്പല് ഉദ്യോഗസ്ഥര്, ജീവനക്കാര് എന്നിവര് ഉല്ഘാടന ചടങ്ങില് സംബന്ധിച്ചു.
സുരക്ഷിതമായ വിദ്യാഭ്യാസ അന്തരീക്ഷം വികസിപ്പിക്കുന്നതോടൊപ്പം കുട്ടികളുടെ കഴിവുകള് വികസിപ്പിക്കുകയും ആശയങ്ങള്, നൈപുണ്യ വികസനം, ഉത്തരവാദിത്തം എന്നിവ വര്ദ്ധിപ്പിക്കുന്നതിനും ലക്ഷ്യമി'ട്ടാണ് ഇത്തരമൊരു പദ്ധതി. 7,243 ചതുരശ്ര മീറ്റര് വിസ്തൃതിയില് വ്യാപിച്ചുകിടക്കുന്ന ചില്ഡ്രന്സ് സ്ട്രീറ്റ്,, വിദ്യാഭ്യാസവും വിനോദവും സംവേദനാത്മകമായി സംയോജിപ്പിച്ച് കുട്ടികള്ക്ക് അനുയോജ്യമായ വിധത്തിലാണ് രൂപകല്പ്പന ചെയ്തിരിക്കുന്നത്.
Related News
