മലപ്പുറം: മയക്കുമരുന്ന് നല്കി വിദ്യാര്ഥിയെ ലൈംഗികമായി പീഡിപ്പിച്ച കേസില് യുവതി പോക്സോ കേസില് അറസ്റ്റില്. തിരൂര് ബിപി അങ്ങാടി കായല്മഠത്തില് സാബിക്കിന്റെ ഭാര്യ പാലക്കാട് കല്ലടിക്കോട് വാക്കോട് കോളനിയിലെ സത്യഭാമയാണ് (30) അറസ്റ്റിലായത്. ഭര്ത്താവ് സാബിക്ക് ഒളിവിലാണ്. പ്രായപൂര്ത്തിയാകാ വിദ്യാര്ഥിയെ പീഡിപ്പിച്ചുവെന്നതിന്റെ പേരില് പോക്സോ കേസെടുത്ത് തിരൂര് പോലീസാണ് അന്വേഷിക്കുന്നത്.
2021ല് ആണ് സംഭവം. വിദ്യാര്ഥി പത്താംക്ലാസില് പഠിക്കുമ്പോഴായിരുന്നു പീഡനം. വിദ്യാര്ഥിയെ മയക്കുമരുന്ന് നല്കി യുവതി പീഡിപ്പിക്കുകയും ഭര്ത്താവ് സാബിക്ക് ഇതിന് ഒത്താശ ചെയ്തെന്നുമാണ് കേസ്. വിദ്യാര്ഥിയെ മയക്കുമരുന്ന് വില്പനക്ക് പ്രേരിപ്പിച്ചതായും പരാതിയുണ്ട്.
മൊബൈല് ഫോണില് വിദ്യാര്ഥിയുടെ അശ്ലീല ചിത്രങ്ങളെടുത്ത് ഭീഷണിപ്പെടുത്തി. ദൃശ്യങ്ങള് കാട്ടി ഭീഷണിപ്പെടുത്തി പണം വാങ്ങിയിരുന്നു. സാബിക്കും സത്യഭാമയും ലഹരിക്ക് അടിമകളാണ്. കുട്ടിയുടെ സ്വഭാവത്തിലെ മാറ്റങ്ങള് കണ്ട് വീട്ടുകാര് അന്വേഷിച്ചപ്പോഴാണ് വിവരം പുറത്തായത്. തുടര്ന്ന് 15കാരന്റെ കുടുംബം പോലീസില് പരാതി നല്കുകയായിരുന്നു. സത്യഭാമയെ തിരൂര് കോടതി റിമാന്ഡ് ചെയ്തു. സാബികിനായി പോലീസ് വ്യാപക തിരച്ചില് നടത്തിവരികയാണ്.
Related News
