കോട്ടയം: തിരുവാതുക്കലില് ബിസിനസുകാരായ ദമ്പതികള് കൊല്ലപ്പെട്ട കേസില് ഒരാളെ പോലീസ് കസ്റ്റഡിയിലെടുത്തു. അസം സ്വദേശി അമിത് ഉറാങ്ങ് ആണ് പിടിയിലായത്. മാളയില്നിന്നാണ് പ്രതിയെ പോലീസ് കസ്റ്റഡിയിലെടുത്തത്. ഇന്നു പുലര്ച്ചെ അസമില്നിന്നുള്ള അതിഥിത്തൊഴിലാളികള് താമസിക്കുന്ന സ്ഥലത്തിനടുത്തുള്ള കോഴിഫോമില് നിന്നാണ് അമിതിനെ കസ്റ്റഡിയിലെടുത്തത്. പ്രതിയെ കോട്ടയത്തെത്തിച്ച് വിശദമായി ചോദ്യം ചെയ്ത ശേഷമായിരിക്കും മറ്റു നടപടികളിലേക്കു കടക്കുക.
കോട്ടയം തിരുനക്കര ഇന്ദ്രപ്രസ്ഥം ഓഡിറ്റോറിയം ഉടമ തിരുവാതുക്കല് ശ്രീവത്സം വീട്ടില് ടി.കെ.വിജയകുമാര് (65), ഭാര്യ ഡോ. മീര വിജയകുമാര് (62) എന്നിവരാണു തിങ്കളാഴ്ച രാത്രി കൊല്ലപ്പെട്ടത്. പിടിയിലായ അമിത് വിജയകുമാറിന്റെ മുന് ജീവനക്കാരനായിരുന്നു. അമിത് മൂന്നു വര്ഷം വിജയകുമാറിന്റെ വീട്ടിലും ഓഡിറ്റോറിയത്തിലും ജോലി ചെയ്തിരുന്നു. ഇതിനിടെ വിജയകുമാറിന്റെയും ഭാര്യയുടെയും ഫോണുകള് മോഷ്ടിച്ചതിനും അതുപയോഗിച്ചു പണം തട്ടിയെടുത്തതിനും ഇയാള് പോലീസ് പിടിയിലായിരുന്നു. ഈ കേസില് അഞ്ചര മാസത്തോളം ജയിലിലായിരുന്നു. ജയിലില്നിന്ന് ഇറങ്ങിയ ശേഷമാണ് കൊലപാതകം ആസൂത്രണം ചെയ്തത്. വിജയകുമാറിനോടുള്ള വൈരാഗ്യമാവാം കൊലപാതകത്തിനു കാരണമെന്ന് സംശയിക്കുന്നു.
വീടിന്റെ മതില് ചാടി എത്തിയ അക്രമി മുന്വശത്തെ ജനാലയുടെ ചില്ലില് ഡ്രില്ലര് കൊണ്ടു വിടവുണ്ടാക്കി. ആദ്യം ജനല് തുറന്നു. തുടര്ന്നു വാതിലിന്റെ കൊളുത്തും തുറന്നു. വീട്ടിനുള്ളില്ക്കയറിയ അക്രമി രണ്ടു മുറികളില് കിടന്നുറങ്ങിയിരുന്ന വിജയകുമാറിനെയും മീരയെയും കോടാലികൊണ്ട് മുഖത്ത് ഉള്പ്പെടെ വെട്ടി കൊലപ്പെടുത്തുകയായികരുന്നു.
Related News
