കോഴിക്കോട്: മായനാട് പാലക്കാട്ടുവയലില് ആള്ക്കൂട്ട മര്ദത്തില് ഇരുപതുകാരനായ സൂരജ് കൊല്ലപ്പെട്ട സംഭവത്തില് പിതാവും രണ്ടുമക്കളും അറസ്റ്റിലായി. മായനാട് സ്വദേശി മനോജ് മക്കളായ അജയ്, വിജയ് എന്നിവരാണ് പോലീസ് പിടിയിലായത്. കോളജില് വിദ്യാര്ഥികള് തമ്മിലുണ്ടായ ചെറിയ തര്ക്കമാണ് കൊലപാതകത്തില് കലാശിച്ചതെന്ന് പൊലീസ് പറയുന്നു.
മായനാട് സ്വദേശി സൂരജ് ക്രൂരമായ മര്ദനത്തിലാണ് കൊല്ലപ്പെട്ടത്. ഇന്നലെ രാത്രിയില് പ്രദേശത്ത് നടന്ന ഉത്സവത്തിനിടെയാണ് സൂരജിന് മര്ദനമേറ്റത്. പിടിയിലായ മനോജ് മക്കളായ അജയ്, വിജയ് എന്നിവര്ക്ക് പുറമെ കണ്ടാലറിയാവുന്ന ഇരുപതോളം പേരും ചേര്ന്നാണ് മര്ദിച്ചത്.
ചെത്തുകടവ് എസ് എന് ഇ സി കോളേജ് വിദ്യാര്ഥിയായ സൂരജും പ്രതികളിലൊരാളും തമ്മില് ചില തര്ക്കങ്ങളുണ്ടായിരുന്നു. ഇത് പിന്നീട് ആള്ക്കൂട്ട മര്ദനത്തില് കലാശിക്കുകയായിരുന്നു. പിടിയിലായത് മൂന്നു പേരെ കൂടാതെ കൃത്യത്തില് പങ്കെടുത്ത മറ്റുള്ളവര്ക്ക് വേണ്ടിയുള്ള തിരച്ചില് പോലീസ് നടത്തിവരികയാണ്.
ഫോട്ടോ: കൊല്ലപ്പെട്ട സൂരജ
Related News
