കോഴിക്കോട്: കൊടുവള്ളിയില് വിവാഹ സംഘം സഞ്ചരിച്ച ബസിനു നേരെ ഗുണ്ടാ ആക്രമണം. പെട്രോള് പമ്പിനുള്ളില് നിന്ന് റോഡിലേക്ക് ഇറങ്ങാന് തുടങ്ങുകയായിരുന്ന ബസിന് നേരെ പടക്കം എറിയുകയും മുന്വശത്തെ ചില്ല് അടിച്ചുതകര്ക്കുകയും ചെയ്തു. വാഹനം ഉരസിയതുമായി ബന്ധപ്പെട്ട തര്ക്കത്തെ തുടര്ന്നായികുന്നു ആക്രമണം. കൊടുവള്ളി വെണ്ണക്കാടാണ് സംഭവം. സംഭവത്തില് കുപ്രസിദ്ധ ഗുണ്ട ആട് ഷമീര്, കൊളവയല് അസീസ്, അജ്മല് എന്നിവരെ പോലീസ് പിടികൂടി.
അക്രമികള് എറിഞ്ഞ രണ്ടു പടക്കങ്ങളില് ഒന്ന് പമ്പിനുള്ളില് വലിയ ശബ്ദത്തോടെ പൊട്ടിത്തെറിക്കുകയും ചെയ്തു. പൊട്ടാതെ കിടന്ന മറ്റൊരു പടക്കം പോലീസ് എത്തി പെട്രോള് പമ്പിന്റെ സമീപത്തു നിന്ന് മാറ്റി. വലിയ അപകടമാണ് ഒഴിവായത്. ഉച്ചയ്ക്ക് 2 മണിയോടെയായിരുന്നു സംഭവം. സമീപത്തെ കല്യാണ മണ്ഡപത്തിലേക്ക് എത്തിയ ബസ് അവിടെ ആളുകളെ ഇറക്കിയ ശേഷം തിരിക്കാനുള്ള സൗകര്യത്തിനാണ് പെട്രോള് പമ്പിലേക്ക് കയറ്റിയത്. ഇതിനിടയില് അതുവഴി വന്ന കാറില് ബസ് ഉരസി എന്ന പേരിലായിരുന്നു ആക്രമണം. സാഹസികമായാണു പ്രതികളെ പിടികൂടിയത്. ഇതിനിടയില് 3 പൊലീസുകാര്ക്ക് പരിക്കേറ്റു.
Related News
