ദോഹ:ഈ വര്ഷം അവസാനം ഖത്തറില് നടക്കാനിരിക്കുന്ന പാന്-അറബ് ടൂര്ണമെന്റില് പങ്കെടുക്കാന് പലസ്തീനെ ക്ഷണിച്ച് ഫുട്ബോള് ഗവേണിംഗ് ബോഡിയായ ഫിഫ. ഡിസംബര് 1 മുതല് 18 വരെ ഖത്തറില് നടക്കുന്ന അറബ് കപ്പില് പങ്കെടുക്കാനാണ് പലസ്തീന് ദേശീയ ഫുട്ബോള് ടീമിനെ ഫിഫ ക്ഷണിച്ചിരിക്കുന്നത്.
ക്ഷണം സ്വീകരിച്ചാല് പലസ്തീന് വീണ്ടുംദോഹയിലെ മൈതാനിയില് വീണ്ടും ബൂട്ടണിയും. പലസ്തീന് ടീമുകള് ഇതിന് മുമ്പ് നിരവധി തവണ ദോഹയില് മത്സരിക്കാന് ഇറങ്ങിയിട്ടുണ്ട്. ലോകകപ്പ് യോഗ്യതാ മത്സരങ്ങളുടെ മൂന്നാം റൗണ്ടില് ആദ്യമായി പങ്കെടുക്കുന്ന പലസ്തീന് ഫുട്ബോള് ടീം ഇപ്പോള് വന് മുന്നേറ്റം നടത്തുകയാണ്. അല്-ഫിദായ് എന്ന വിളിപ്പേരുള്ള ഈ ടീം അടുത്ത വര്ഷത്തെ ലോകകപ്പിലെ ചരിത്രപരമായ സ്ഥാനത്തിനായി ഇപ്പോഴും യോഗ്യതാ മത്സരങ്ങളില് പങ്കെടുക്കുന്നുണ്ട്.
Related News
