ജിദ്ദ: ജെ.സി.ഡബ്ലിയു.സിയുടെ യൂത്ത് വിങ് 10വയസ് മുതല് 18 വയസ് വരെയുള്ള കുട്ടികള്ക്കായി 'ലിങ്ക് അപ് ലവല് അപ് ' എന്ന പേരില് ഇന്ട്രാക്ടീവ് സെഷന് നടത്തി. ജിദ്ദ ഫിനോം അക്കാദമിയില് വെച്ച് അക്മലയുടെയും ദിയയുടേയും നേതൃത്വത്തില് ജൂനിയേഴ്സിനും നസ്ലിയുടെ നേതൃത്വത്തില് സീനിയേഴ്സിനുമായി നടത്തിയ പരിപാടിയില് നാല്പത്തി നാലോളം കുട്ടികള് പങ്കെടുത്തു.
ലൈഫ് കോച്ചും കൗണ്സിലറുമായ ജെ.സിഡബ്ല്യുസി മെമ്പര് നസ്ലി സീനിയേഴ്സിന് അവരുടെ ഭാവി സ്വപ്നങ്ങള് നേടിയെടുക്കാനുള്ള അവബോധന ക്ലാസും നല്കി. കുടുംബത്തിന്റെയും സമൂഹത്തിന്റെയും കെട്ടുപാടുകളില് നിന്നും മാറി സര്വ്വ സ്വതന്ത്രരാവുന്നതല്ല ജീവിതത്തിന്റെ പരമമായ സന്തോഷമെന്നും ബന്ധങ്ങളില് വേരുറപ്പിച്ചു കൊണ്ടുതന്നെ സ്വാശ്രയരായി മാറുന്നവര്ക്കേ ആത്യന്തിക വിജയം നേടിയെടുക്കാനാവൂ എന്നും നസ്ലി കുട്ടികളെ ഉണര്ത്തി.
കുട്ടികള്ക്കായി ആക്ടിവിറ്റികളും ഗെയിമുകളും ഡോ. റാഷ നസ്സീഹും ഫൗസിയ ഇബ്രാഹിമും ചേര്ന്നു നടത്തി. ജെ.സി ഡബ്ലിയു സി ചെയര്പേഴ്സണ് റഫ്സീന അഷ്ഫാക്ക്, ഉപദേശക സമിതി അംഗം അനീസ ബൈജു, യൂത്ത് വിംഗ് കോഡിനേറ്റര്മാരായ സഫ, സിഹാന അമീര് എന്നിവര് 'ലിങ്ക് അപ്, ലെവല് അപ് ' പരിപാടിയുടെ സംഘാടകത്വം നിര്വ്വഹിച്ചു.
Related News
