കണ്ണൂര് പരിയാരം കൈതപ്രത്തെ ഓട്ടോറിക്ഷാ ഡ്രൈവര് കെ.കെ.രാധാകൃഷ്ണന് വെടിയേറ്റു മരിച്ച സംഭവത്തില് രാധാകൃഷ്ണന്റെ ഭാര്യയെ പോലീസ് അറസ്റ്റ് ചെയ്തു. മാതമംഗലം പുനിയംകോട് മണിയറ റോഡിലെ വടക്കേടത്തുവീട്ടില് മിനി നമ്പ്യാരെയാണ് (42) അറസ്റ്റ് ചെയ്തത്. രാധാകൃഷ്ണനെ വെടിവെച്ചു കൊല്ലാന് ഒന്നാം പ്രതി സന്തോഷുമായി മിനി ഗൂഡാലോചന നടത്തി എന്നതാണ് കേസ്. കേസില് മൂന്നാം പ്രതിയാണ് മിനി. ഈ കേസില് തോക്ക് നല്കിയ സിജോ ജോസഫിനെ രണ്ടാം പ്രതിയായി കഴിഞ്ഞ ദിവസം അറസ്റ്റ് ചെയ്തിരുന്നു.
കൈതപ്രത്ത് പണിനടക്കുന്ന വീട്ടില്വച്ച് മാര്ച്ച് 20ന് രാത്രി ഏഴോടെയാണ് രാധാകൃഷ്ണന് വെടിയേറ്റു മരിച്ചത്. മിനിയുമായുള്ള സൗഹൃദം എതിര്ത്തതിന്റെ വിരോധത്താലാണ് രാധാകൃഷ്ണനെ സന്തോഷ് കൊലപ്പെടുത്തിയതെന്ന് പോലീസ് നേരത്തെ കണ്ടെത്തിയിരുന്നു. മിനിയുമായുള്ള സന്തോഷിന്റെ സൗഹൃദം രാധാകൃഷ്ണന്റെ കുടുംബ ബന്ധത്തെ ഉലച്ചിരുന്നു. സഹപാഠികളായ സന്തോഷും മിനിയും പൂര്വവിദ്യാര്ഥി സംഗമത്തിലാണ് വീണ്ടും കണ്ടുമുട്ടിയതെന്നാണ് സന്തോഷ് രാധാകൃഷ്ണനോടും വീട്ടുകാരോടും പറഞ്ഞിരുന്നത്. പിന്നീട് രാധാകൃഷ്ണന്റെ വീട് നിര്മാണത്തിന് സന്തോഷ് സഹായിയായി എത്തി. ഭാര്യയുടെ കാര്യത്തില് സന്തോഷ് കൂടുതല് ഇടപെടാന് തുടങ്ങിയപ്പോള് രാധാകൃഷ്ണന് എതിര്ത്ത് സന്തോഷില് പകയുണ്ടാക്കുകയായിരുന്നു.
തുടര്ന്ന് രാധാകൃഷ്ണന് പോലീസില് നല്കിയ പരാതിയെത്തുടര്ന്ന് ഇവരെ പരിയാരം പോലീസ് സ്റ്റേഷനില് വിളിപ്പിച്ച് സംസാരിച്ചിരുന്നു. ഇതും വൈരാഗ്യം കൂടാന് കാരണമായി. കൊലപാതകം നടന്ന ദിവസം വൈകിട്ട് 'നിനക്കു മാപ്പില്ല' എന്ന് സന്തോഷ് സമൂഹമാധ്യമത്തില് കുറിച്ചു. അതിനു ശേഷമാണ് പണിനടക്കുന്ന വീട്ടിലെത്തി രാധാകൃഷ്ണനെ സന്തോഷ വകവരുത്തിയത്.
ഫോട്ടോ: അറസ്റ്റിലായ മിനി. കൊല്ലപ്പെട്ടരാധാകൃഷ്ണനു ഒന്നാം പ്രതി സന്തോഷും.
Related News
