കൊച്ചി: ലോക്മാന്യ തിലക് - കന്യാകുമാരി സൂപ്പര് ഫാസ്റ്റ് എക്സ്പ്രസ്സില് യുവാവിനെ മരിച്ചനിലയില് കണ്ടെത്തി. ബുധനാഴ്ച വൈകിട്ട് നാലോടെ പിറവം റോഡ് റെയില്വേ സ്റ്റേഷനില് ട്രെയിന് എത്തിയപ്പോഴാണ് മൃതദേഹം കണ്ടെത്തിയത്. കര്ണാടക ഗാലി ജില്ലക്കാരന് റഫീക്ക് (38) ആണ് മരിച്ചത്. യുവാവിന് രാവിലെ മുതല് അനക്കമൊന്നുമില്ലായിരുന്നുവെന്നാണ് ബോഗിയിലുള്ള മറ്റു യാത്രക്കാര് പറയുന്നത്. ഉറക്കത്തിലാണെന്നാണ് എല്ലാവരും കരുതിയത്. പോലീസ് എത്തി പരിശോധിച്ചപ്പോഴാണ് ആള് മരിച്ചിരിക്കുകയാണെന്ന് മനസിലായത്.
ഇയാള് ഗോവയില്നിന്ന് കയറിയതാണെന്ന് സംശയിക്കുന്നു. ഇയാളുടെ പോക്കറ്റില്നിന്ന് കണ്ണൂര് വരെയുള്ള ടിക്കറ്റ് ലഭിച്ചു. ഇന്നലെ രാത്രി ട്രെയിനില് കയറിയ ശേഷം ഉറങ്ങാന് കിടന്നതാണ്. വീട്ടുകാര് ഫോണില് വിളിച്ചിട്ടും എടുക്കാതെ വന്നതിനെ തുടര്ന്ന് റെയില്വേ പോലീസില് വിവരം അറിയിക്കുകയായിരുന്നു. തുടര്ന്ന് പിറവം റോഡ് സ്റ്റേഷനില് ട്രെയിന് എത്തിയപ്പോള് പോലീസ് പരിശോധിച്ചപ്പോഴാണ് മരിച്ചനിലയില് കണ്ടെത്തിയത്. മൃതദേഹം വൈക്കം താലൂക്ക് ആശുപത്രി മോര്ച്ചറിയിലേക്ക് മാറ്റി.
ഫോട്ടോ: യുവാവിന്റെ മൃതദേഹം പോലീസ് ട്രെയിനില്നിന്നു നീക്കുന്നു.
Related News
