കോഴിക്കോട്: ഇന്ത്യന് റിപ്പോര്ട്ടേഴ്സ് & മീഡിയ പേഴ്സണ്സ് യൂണിയന് (IRMU) കോഴിക്കോട് ജില്ലാ സമ്മേളനം കായിലാണ്ടി(അകലാപ്പുഴ ലേക് വ്യൂ പാലസ്)യില് ആരംഭിച്ചു. ഇന്നു വൈകീട്ട് 4 മണിക്ക് ജില്ലാ പ്രസിഡന്റ് കുഞ്ഞബ്ദുള്ള വാളൂര് സമ്മേളനത്തിന് പതാക ഉയര്ത്തിയതോടെയാണ് സമ്മേളനത്തിന് തുടക്കം കുറിച്ചത്. നാളെ മെ 3 ന് കാലത്ത് 10 മണിക്ക് വനം വന്യജീവി വകുപ്പ് മന്ത്രി എ.കെ.ശശീന്ദ്രന് സമ്മേളനം ഉദ്ഘാടനം ചെയ്യും. ഷാഫി പറമ്പില് എംപി, കെ.പി.കുഞ്ഞമ്മത്കുട്ടി എം.എല്.എ , കലക്ടര് സ്നേഹില് കുമാര് സിംഗ് എന്നിവര് മുഖ്യാതിഥികളാവും. ജില്ലാ പഞ്ചായത്ത് വൈസ് പ്രസിഡന്റ് അഡ്വ.പി. ഗവാസ്, ജില്ലാപഞ്ചായ അംഗം വി.പി. ദുഖിഫില്, എം.പി. ഷിബു, ടി.ടി.ഇസ്മയില്, സി.ആര്. പ്രഫുല് കൃഷ്ണ, കെ ലോഹ്യ, സി.എച്ച്. ഇബ്രാഹിം കുട്ടി, ഐ.ആര്.എം.യു സംസ്ഥാന പ്രസിസന്റ് പി.കെ.ഹാരിസ് തുടങ്ങി പ്രമുഖ നേതാക്കള് ഉദ്ഘാടന സമ്മേളനത്തില് പങ്കെടുക്കും.
തുടര്ന്ന് മീഡിയ ഓപ്പണ്. ഫോറം നടക്കും. കലക്ടര് സ്നേഹില്കുമാര് സിംഗ് ഉദ്ഘാടനം ചെയ്യും. ഉച്ചക്ക് നടക്കുന്ന പ്രതിനിധി സമ്മേളനം സംസ്ഥാന പ്രസിഡന്റ് പി.കെ.ഹാരിസ് ഉദ്ഘാടനം ചെയ്യും. റിപ്പോര്ട്ട് അവതരണം പൊതു ചര്ച്ച മറുപടി എന്നിവക്ക് ശേഷം പത്രപ്രവര്ത്തകരായ മുതിര്ന്ന അംഗങ്ങളെ ആദരിക്കും. മെമ്പര്മാര്ക്കും കുടുംബാംഗങ്ങള്ക്കും ആശുപത്രി ചികിത്സക്ക് ഇളവുകള് നല്കുന്ന പദ്ധതി, അംഗങ്ങള്ക്കുള്ള ഇന്ഷൂറന്സ് എന്നിവയുടെ പ്രഖ്യാപനം സമ്മേളനത്തില് നടക്കും.
മാധ്യമ രംഗത്ത് രാപ്പകല് സജീവമായി പ്രവര്ത്തിക്കുന്ന, വാര്ത്തകള് ഉറവിടത്തില് നിന്ന് തന്നെ വെരിഫൈ ചെയ്തശേഷം ചൂടാറാതെ ജനങ്ങളിലെത്തിക്കാന് ഉത്തരവാദിത്തത്തോടെ പ്രവര്ത്തിക്കുന്നവരാണ് പ്രാദേശിക മാധ്യമ പ്രവര്ത്തകര്. എന്നാല് ഈ മേഖലയില് മെച്ചപ്പെട്ട സേവന വേതന വ്യവസ്ഥകളോ ക്ഷേമനിധി പെന്ഷന് ഉള്പ്പടെയുള്ള സംവിധാനങ്ങളാ നിലവില്ല. ഇത്തരം കാര്യങ്ങളില് സര്ക്കാരിന്റെ അടിയന്തിര ശ്രദ്ധ പതിയേണ്ടതുണ്ട്. ഈ വിഷയങ്ങള് സമ്മേളനം ഗൗരവമായി ചര്ച്ച ചെയ്യുമെന്ന് പ്രസിഡന്റ് കുഞ്ഞബ്ദുള്ള വാളൂര്, സെക്രട്ടറി പി.കെ. പ്രിയേഷ് കുമാര്, സതീഷ് ബാലുശ്ശേരി, രവി എടത്തില്, സി.എ.റഹ്മാന്, ധ്രുവന് നായര് എന്നിവര് അറിയിച്ചു.
Related News
