.jpg)
അറാര് :വാഹന അപകടത്തെ തുടര്ന്ന് അറാര് മെഡിക്കല് ടവര് ആശുപത്രിയില് ചികിത്സയിലിരിക്കെ മരണപെട്ട ഹൈദരാബാദ് സ്വദേശി നെര്സ റെഡിയുടെ (52) മൃതദേഹം നടപടി ക്രമങ്ങള് പൂര്ത്തികരിച്ച് അറാര് പ്രവാസി സംഘം നാട്ടിന് എത്തിച്ചു. കഴിഞ്ഞ പത്ത് വര്ഷമായി അറാറിലെ ബലദിയ(മുന്സിപാലിറ്റി)യില് നഗര സൗന്ദര്യ വല്ക്കരണ വിഭാഗത്തില് ജോലി ചെയ്തു വരികയായിരുന്ന നര്സ റെഡി മന്സൂരിയ ഭാഗത്ത് ജോലി ചെയ്തു കൊണ്ടിരിക്കെ കഴിഞ്ഞ സെപ്റ്റംബര് 16ന് ആണ് അപകടം ഉണ്ടായത്. നെസര്സയെ ഇടിച്ച വാഹനം ഇടിച്ച് തെറുപ്പിച്ചശേഷം നിര്ത്താതെ കടന്നു കളയുകയായിരുന്നു. ഇതു വരെ വാഹനത്തെ കണ്ടെത്താന് കഴിഞ്ഞിട്ടില്ല.
അറാര് മെഡിക്കല് ടവര് ആശുപത്രി മോര്ച്ചറിയില് സൂക്ഷിച്ചിരിക്കുന്ന മൃതദേഹം നടപടി ക്രമങ്ങള് പൂര്ത്തികരിക്കുന്നതിന് നേതൃത്വം നല്കിയ അറാര് പ്രവാസി സംഘം കേന്ദ്ര കമ്മിറ്റി പ്രസിഡണ്ടും ലോക കേരള സഭ അംഗവുമായ സക്കീര് താമരത്ത് ഏറ്റു വാങ്ങി അറാര് വിമാനത്താവളത്തില് എത്തിച്ചു. അറാര് പ്രവാസി സംഘം രക്ഷാധികാരി സമിതി അംഗം അയൂബ് തിരുവല്ല , ജനറല് സെക്രട്ടറി ഷാജി ആലുവ, നര്സ റെഡിയുടെ സുഹൃത്തുക്കളും നാട്ടുകാരും കൂടെ ഉണ്ടായിരുന്നു
അറാറില് നിന്നും സൗദി എയര് ലൈന്സ് വിമാനത്തില് റിയാദില് എത്തിച്ച മൃതദേഹം റിയാദില് നിന്നും എയര് ഇന്ത്യ എക്സ്പ്രസ്സില് ഹൈദ്രാബാദില് എത്തിച്ചു ഇന്ന് പുലര്ച്ചെ വീട്ടില് എത്തിയ മൃതദേഹം തെംബരപേട്ട സ്മശാനത്തില് സംസ്കരിച്ചു.
ഇതിനിടയില് നെര്സ റെഡി മരണപ്പെട്ട് പത്താംനാള് അമ്മ ഹാന് മക്ക ഹൃദയാഘാതം മൂലം മരണപെട്ടിരുന്നു. രാജ റെഡിയാണ് പിതാവ്. ലത ഭാര്യയും നവ്യ ഏക മകളുമാണ്.
Related News
