കണ്ണൂര്: നവ വധുവിന്റെ ആഭരങ്ങള് ആദ്യ രാത്രിയില് മോഷണം പോയി. കണ്ണൂര് കരിവെള്ളൂരിലാണ് സംഭവം. വിവാഹദിനത്തില് നവവധു അണിഞ്ഞ ആഭരണങ്ങളില് 30 പവന് സ്വര്ണമാണ് മോഷണം പോയത്. കണ്ണൂര് കരിവെള്ളൂര് പലിയേരിയിലെ എ കെ അര്ജുന്റെ ഭാര്യ കൊല്ലം സ്വദേശിനി ആര്.എസ് സുധിക്കാണ് സ്വര്ണം നഷ്ടമായത്. സുധി പോലീസില് പരാതി നല്കിയതോടെയാണ് മോഷണ വിവരം പുറത്തു വന്നത്. മോഷണം പോയ സ്വര്ണത്തിന് 20 ലക്ഷത്തിലേറെ രൂപ വില വരും.
മേയ് ഒന്നിനായിരുന്നു വിവാഹം. വിവാഹശേഷം അര്ജുന്റെ വീട്ടിലെ മുകള് നിലയിലുള്ള കിടപ്പുമുറിയിലെ അലമാരയിലാണ് ആഭരണങ്ങള് സൂക്ഷിച്ചിരുന്നത്. ഇന്നലെ രാത്രി പരിശോധിച്ചപ്പോള് ആഭരണങ്ങള് കാണാനില്ല എന്നാണ് യുവതി പോലീസില് പരാതി നല്കിയിരിക്കുന്നത്. മേയ് ഒന്നിന് വൈകിട്ട് ആറ് മണിക്കും മേയ് രണ്ടിന് രാത്രി ഒന്പത് മണിക്കും ഇടയിലുള്ള സമയത്താണ് ആഭരണങ്ങള് മോഷണം പോയതെന്നാണ് പരാതിയില് പറയുന്നത്. പയ്യന്നൂര് പോലീസ് കേസ് രജിസ്റ്റര് ചെയ്ത് അന്വേഷിച്ചു വരുന്നു.
Related News
