തിരൂര്‍: മലബാറിലെ ആദ്യകാല രജിസ്റ്റേര്‍ഡ് ഫാര്‍മസിസ്റ്റും തിരൂര്‍ മെഡിക്കല്‍ സ്റ്റോര്‍ സാരഥിയുമായ തയ്യില്‍ കിഴക്കേതില്‍ കുഞ്ഞിമൊയ്തു (93) എന്ന കുഞ്ഞിപ്പ (ടി.കെ. കുഞ്ഞിപ്പ) പെരിന്തല്‍മണ്ണയിലെ സ്വകാര്യ ആശുപത്രിയില്‍ നിര്യാതനായി. യാഹു മൊല്ലാക്ക, വെട്ടം അബ്ദുല്ല ഹാജി, മമ്മി സാഹിബ് എന്നിവരുടെ കീഴില്‍ മത വിദ്യാഭ്യാസം നേടിയ കുഞ്ഞിപ്പ വാരണാക്കര സ്‌കൂളിലെ പ്രാഥമിക വിദ്യാഭ്യാസത്തിന് ശേഷം ആറ് ഏഴ് ക്ലാസുകള്‍ തിരൂര്‍ എം യു പി സ്‌കൂളിലായിരുന്നു. തുടര്‍ന്ന് തിരൂര്‍ ബോയ്‌സ് ഹൈസ്‌കൂളില്‍ നിന്ന് പത്താം ക്ലാസ് ഫസ്റ്റ് ക്ലാസ്സോടെ പാസ്സായ ശേഷം, 1954 ല്‍ മദ്രാസ് മെഡിക്കല്‍ കോളേജില്‍ ചേര്‍ന്നു ഡി ഫാം കരസ്ഥമാക്കി. ഈ കോഴ്‌സ്, പഠന സമയത്ത് മദ്രാസിലെ ഇസ്ഉദ്ദീന്‍ മൗലവിയുടെ ക്ലാസുകളിലൂടെ ജമാഅത്തെ ഇസ്ലാമി ഹിന്ദിന്റെ പ്രവര്‍ത്തനങ്ങളില്‍ സജീവമാ യി. 1957 ല്‍ തിരൂര്‍ കോര്‍ട്ട് റോഡില്‍ 'തിരൂര്‍ മെഡിക്കല്‍ സ്റ്റോഴ്‌സ്' എന്ന പേരില്‍ ഫാര്‍മസി തുടങ്ങി. വിവിധ മത സാമൂഹിക സംഘടനകളില്‍ പ്രവര്‍ത്തിച്ചു. 1968-70 കാലഘട്ടങ്ങളില്‍ നടുവിലങ്ങാടി ഹിദായത്ത് സിബിയാന്‍ മദ്രസ കമ്മിറ്റി ഖജാന്‍ജി ആയി. മലബാര്‍ മുസ്ലിം അസോസിയേഷന്‍ MMA ലെ മെമ്പര്‍ഷിപ്, തിരൂര്‍ MDPS കമ്മിറ്റി മെമ്പര്‍, തിരൂര്‍ ഇസ്ലാമിക് സെന്റര്‍ പ്രഥമ കമ്മിറ്റി മെമ്പര്‍, തിരുര്‍ മസ്ജിദ് സഫ പ്രഥമ സകാത് കമ്മിറ്റി മെമ്പര്‍ എന്നീ നിലകളിലെല്ലാം പ്രവര്‍ത്തിച്ചു.

പിതാവ് സൂപ്പികുട്ടി കുരിക്കള്‍. മാതാവ് പെരിങ്ങാട്ടോടി ഫാത്തിമ. ഭാര്യ: കുഞ്ഞിമോള്‍. മക്കള്‍: ടി കെ ജമീല, പരേതയായ സഫിയ, സുബൈദ, ആരിഫ, സാജിത, ഡോ. അലി അഷ്റഫ്, സിദ്ധീഖ്, ഡോ. മുഹമ്മദ് യഹ്യ (പെരിന്തല്‍മണ്ണ കിംസ് അല്‍ ശിഫ ഹോസ്പിറ്റല്‍), അഡ്വ മുഹമ്മദ് അസ്ലം (ദുബായ് ഇസ്ലാമിക് ബാങ്ക്), മുഹമ്മദ് യാസിര്‍ (ഖത്തര്‍ പെട്രോളിയം). മരുമക്കള്‍ - പരേതനായ കുന്നോല ബദിയുസ്സമാന്‍, മുഹമ്മദ് അബ്ദുറഹിമാന്‍ വടക്കാഞ്ചേരി, ആനമങ്ങാടാന്‍ അബ്ദുല്‍ ജലീല്‍ പട്ടിക്കാട്, മുഹമ്മദ് കുട്ടി വാണിയമ്പലം, അസ്‌കറലി കൊണ്ടോട്ടി, ജാസ്മിന്‍ കണ്ണൂര്‍, ഡോ.ഫൗസിയ കിംസ് അല്‍ശിഫ, ഡോ. സമീറ മുഹമ്മദ് കല്പ്പറ്റ, സുമേഹ കോഴിക്കോട്
സഹോദരങ്ങള്‍ : പരേതനായ ടികെ അബൂബക്കര്‍ എന്ന ബാവ, ഡോ. മുഹമ്മദ് കുട്ടി കുരിക്കള്‍, കെ അബ്ദുറഹ്‌മാന്‍, മര്‍ഹൂം ആയിശ, ഫാത്തിമ (പാത്തുമോള്‍).

മയ്യത്ത് നമസ്‌ക്കാരം ഇന്ന് (ഞായാറഴ്ച) വൈകീട്ട് 4.30ന് നടുവിലങ്ങാടി ജുമാമസ്ജിദില്‍ വെച്ചു നടക്കും. ശേഷം നടുവിലങ്ങാടി ജുമുഅ മസ്ജിദ് ഖബര്‍സ്ഥാനില്‍ ഖബറടക്കും.