തിരുവനന്തപുരം: പട്ടത്ത് വാഹനങ്ങള്‍ കൂട്ടിയിടിട്ടുണ്ടായ അപകടത്തില്‍ ഒരാള്‍ മരിച്ചു. ഓട്ടോയും ബൈക്കും കാറും കൂട്ടിയിടിച്ചതിനു പിന്നാലെ ഓട്ടോയ്ക്ക് തീപിടിച്ചാണ് ഓട്ടോയില്‍ സഞ്ചരിച്ചിരുന്ന ശ്രീകാര്യം സ്വദേശി സുനി (40) മരിച്ചത്. ഞായറാഴ്ച പുലര്‍ച്ചെ 3.30ന് പട്ടം സെന്റ് മേരീസ് ഹയര്‍ സെക്കന്‍ഡറി സ്‌കൂളിനു മുന്നിലായിരുന്നു അപകടം. നിയന്ത്രണം വിട്ട കാര്‍ ബൈക്കിലും ഓട്ടോയിലും ഇടിക്കുകയായിരുന്നു. പരിക്കേറ്റ 4 പേരില്‍ കാര്‍ ഓടിച്ചിരുന്ന ശീകാര്യം സ്വദേശി അയാനും (19) ഉള്‍പ്പെടും. ഇവരെ മെഡിക്കല്‍ കോളജ് ആശുപത്രിയിലേക്ക് മാറ്റി.