തിരുവനന്തപുരം: അപകീര്ത്തികരമായ വാര്ത്ത നല്കിയെന്ന പരാതിയില് മറുനാടന് മലയാളി ഓണ്ലൈന് ചാനല് എഡിറ്റര് ഷാജന് സ്കറിയയെ പോലീസ് അറസ്റ്റ് ചെയ്തു. മാഹി സ്വദേശിയും യു.എ.ഇയിലെ വ്യവസായിയുമായ ഘാന വിജയന് നല്കിയ പരാതിയിലാണ് തിരുവനന്തപുരം സിറ്റി സൈബര് ക്രൈം പോലീസ് തിങ്കളാഴ്ച രാത്രി കുടപ്പനക്കുന്നിലെ വീട്ടില് നിന്ന് സ്കറിയയെ കസ്റ്റഡിയിലെടുത്തത്. രാത്രി അറസ്റ്റ് രേഖപ്പെടുത്തി കോടതിയില് ഹാജരാക്കിയ ഷാജനെ റിമാന്ഡ് ചെയ്തു.
ഘാന വിജയനെതിരെ അപകീര്ത്തികരമായ വിഡിയോ നിര്മിച്ച് യൂട്യൂബില് പ്രചരിപ്പിച്ചെന്നാണ് പരാതി. സംസ്ഥാന പോലീസ് മേധാവിക്കും തിരുവനന്തപുരം സിറ്റി പോലീസ് കമീഷണര്ക്കും മാസങ്ങള്ക്കുമുമ്പ് ഘാന ഇ-മെയില് വഴി പരാതി നല്കിയിരുന്നു. വഞ്ചിയൂരിലെ എ.സി.ജെ.എം കോടതിയില് നേരിട്ട് ഹാജരായി രഹസ്യമൊഴിയും നല്കി. കോടതിയിലെ മൊഴിയുടെ അടിസ്ഥാനത്തിലാണ് അറസ്റ്റ്.
Related News
