കണ്ണൂര്‍: മുസ്ലിംലിഗ് കണ്ണൂര്‍ ജില്ലാ കമ്മറ്റിയുടെ കീഴിലിള്ള 'ഇ അഹമദ് ഫൗണ്ടേഷന്‍' ജില്ലയിലെ വിദ്യാര്‍ത്ഥികള്‍ക്കായി IGNITE 2K25 എന്ന പേരില്‍ യംങ് ലീഡേഴ്‌സ് ട്രൈനിംഗ് ക്യാമ്പ് സംഘടിപ്പിക്കുന്നു. 2025 ജൂണ്‍ മാസത്തില്‍ കണ്ണൂര്‍ ജില്ലയ്ക്ക് പുറത്തുള്ള ഏറ്റവും ആകര്‍ഷണീയമായ സ്ഥലത്ത് തികച്ചും സൗജന്യവും ഏറ്റവും പ്രൊഫഷണല്‍ രീതിയിലുമായിരിക്കും പരിപാടി സംഘടിപ്പിക്കുക. പുതിയകാലത്തെ മനസ്സിലാക്കാനും പ്രതികരിക്കാനും സാമൂഹ്യ ജീവിതത്തെ മൂല്യവത്തായി മുന്നോട്ടുനയിക്കാനും പ്രാപ്തിയുള്ള വിവിധ മേഖലകളില്‍ കഴിവുള്ള യുവ പ്രതിഭകളെ വാര്‍ത്തെടുക്കുകയും അവരുടെ വിദ്യാഭ്യാസ വൈജ്ഞാനിക പുരോഗതില്‍ തുടര്‍ന്നും സഹായിക്കാനും ഭാവിയില്‍ അവരുടെ കഴിവുകളെ സമൂഹത്തിന്റെ സര്‍വ്വതോന്മുഖമായ പുരോഗതിയില്‍ ഉപയോഗപ്പെടുത്തുവാനും ലക്ഷ്യമാക്കിയാണ് ഇത്തരമൊരു ഉദ്യമത്തിന് ഇ അഹമദ് ഫൗണ്ടേഷന്‍ തുടക്കമിടുന്നത്.

ഇതിലേക്ക് വിദ്യാര്‍ത്ഥികളെ സ്‌ക്രീന്‍ ചെയ്‌തെടുക്കുന്നതിനായി 2025 മെയ് 31 ന് കണ്ണൂര്‍ പാലക്കയംതട്ടിലുള്ള ഹില്‍ടോപ് റിസോര്‍ട്ടില്‍ വെച്ച് ഏകദിന ശില്പശാല സംഘടിപ്പിക്കുന്നു. 18 നും 24 നും മധ്യേ പ്രായമുള്ള വിദ്യാര്‍ത്ഥികള്‍ക്ക് അപേക്ഷിക്കാം. 2025 മെയ് 14 നു മുമ്പായി www.eahamedfoundation.com എന്ന വെബ്‌സൈറ്റ് സന്ദര്‍ശിച്ച് ഗൂഗിള്‍ ഫോം വഴി റജിസ്റ്റര്‍ ചെയ്യുക. വിശദാംശങ്ങള്‍ക്ക് ബന്ധപ്പെടാം:8921505823.