ആലുവ: പെരിയാറില്‍ കുളിക്കാന്‍ ഇറങ്ങിയ വിദ്യാര്‍ഥി ഒഴുക്കില്‍പെട്ട് മരിച്ചു. മേക്കാലടി സ്വദേശി മങ്ങാടന്‍ ഷിനാസിന്റെ മകന്‍ ദുല്‍ക്കിബിന്‍ (12) ആണ് മരിച്ചത്. ലക്ഷം വീട് കടവിലായിരുന്നു അപകടം. ഷിനാസിന്റെ മൂന്ന് മക്കളും സഹോദരന്റെ മകനും ഉള്‍പ്പെടെ നാല് പേര്‍ ഒന്നിച്ച് പെരായാറിന്റെ കൈതോടായ കൊറ്റമം തോട്ടില്‍ കുളിക്കാന്‍ ഇറങ്ങിയതായിരുന്നു്. 4 പേരും ഒഴുക്കില്‍ പെട്ട് പെരിയാറിലേക്ക് നീങ്ങുകയായിരുന്നു. ഷിനാസിന്റെ രണ്ട് മക്കളെയും, സഹോദരന്റെ മകനെയും മാതാവും മറ്റും ചേര്‍ന്ന് രക്ഷപ്പെടുത്തി. ദുല്‍ഖിബിന്‍ ഒഴുക്കില്‍ പെടുകയായിരുന്നു, ഫയര്‍ ഫോഴ്സും, നാട്ടുകാരും ചേര്‍ന്നാണ് രാത്രി 7.15 ന് മൃതദേഹം കണ്ടെത്തിയത്. മൃതദേഹം പോസ്റ്റുമാര്‍ട്ടത്തിന് ശേഷം ചൊവ്വാഴ്ച ഖബറടക്കും. ഷിനാസ് കണ്ണൂരില്‍ ജോലി ചെയ്യുന്നതിനാല്‍ കുടുംബ സമേതം അവിടെയായിരുന്നു താമസം. അവധിക്കാലത്ത് മേക്കാലടിയില്‍ എത്തിയതാണ്. മാതാവ് സുറുമി.