ഹൈദരാബാദ്: സന്ദര്ശനാര്ത്ഥം ഹൈദരാബാദിലെത്തിയ മലപ്പുറം ജില്ല കെ.എസ്.ടി.യു അസോസിയേറ്റ് സെക്രട്ടറി ജലീല് വൈരങ്കോട്, പ്രമുഖ വാഗ്മിയും തിരൂര് മുന്സിപ്പല് യൂത്ത് ലീഗ് പ്രസിഡന്റുമായ അസീം ചെമ്പ്ര, തിരൂര് ബ്ലോക്ക് പഞ്ചായത്ത് മെമ്പര് ടി.വി റംഷീദ ടീച്ചര് എന്നിവര്ക്ക് ഹൈദരാബാദ് എ.ഐ.കെ.എം.സി.സി ഓഫീസില് സ്വീകരണം നല്കി.
കുറഞ്ഞ വര്ഷങ്ങള് കൊണ്ട് ശ്രദ്ധേയമായ പ്രവര്ത്തനങ്ങള് നടത്തുന്ന ഹൈദരാബാദ് കെ.എം.സി.സിയുടെ പ്രവര്ത്തനങ്ങള് പ്രശംസനീയമാണെന്നും
ഇ അഹമ്മദ് സെന്റര് ഫോര് ഹ്യൂമാനിറ്റി (ഈച്ച്) മുന്നോട്ടുവക്കുന്ന കാരുണ്യ സാംസ്കാരിക വിദ്യാഭ്യാസ പ്രവര്ത്തനങ്ങള് ഭാവിയില് ഹൈദരാബാദിലെത്തുന്ന മലയാളികള്ക്ക് പ്രതീക്ഷയാണെന്നും ജലീല് വൈരങ്കോട് പറഞ്ഞു. അഞ്ചുവര്ഷത്തെ വോട്ട് കണ്ട് പ്രവര്ത്തിക്കുന്ന പാര്ട്ടിയല്ല മുസ്ലിം ലീഗ് എന്ന് ഹസീം ചെമ്പ്ര കൂട്ടിച്ചേര്ത്തു. ഹൈദരാബാദ് കെഎംസിസി ഭാരവാഹികളായ ഇ എം എ. റഹ്മാന്, ഷറഫുദ്ദീന് തെന്നല, ഡോ. മുബശ്ശിര് വാഫി, നിസാം ഹുദവി പല്ലാര്, ഹാരിസ് അമീന് വാണിമേല്, സിദ്ദീഖ് പുല്ലാര എന്നിവര് പ്രസംഗിച്ചു.
ഫോട്ടോ:ഹൈദരാബാദ് എ ഐ.കെ.എം.സി.സി നല്കിയ സ്വീകരണ യോഗത്തില് ജലീല് വൈരങ്കോട് സംസാരിക്കുന്നു.
Related News
