തിരുവനന്തപുരം: സംസ്ഥാനത്ത് പോലീസ് തലപ്പത്ത് വന് അഴിച്ചുപണി. ഏറെ വിവാദങ്ങളില് ഉള്പ്പെട്ട ബറ്റാലിയന് എ.ഡി.ജി.പി എം.ആര്. അജിത്കുമാറിനെ എക്സൈസ് കമ്മീഷണറായി സ്ഥാനകയറ്റം നല്കി നിയമിച്ചു. എക്സൈസ് കമ്മീഷണര് ആയിരുന്ന മഹിപാല് യാദവിന് ക്രൈം എ.ഡി.ജി.പി ആയി് ചുമതല നല്കി.
വിജിലന്സ് ആന്റി കറപ്ഷന് ബ്യൂറോ ഡയറക്ടര് യോഗേഷ് ഗുപ്തയെ ഫയര് ഫോഴ്സ് ഡയറക്ടര് ജനറല് ആയി സ്ഥലംമാറ്റി. നിലവിലെ ഫയര് ഫോഴ്സ് മേധാവി മനോജ് എബ്രഹാമിനെ വിജിലന്സ് ആന്റി കറപ്ഷന് ബ്യൂറോ ഡയറക്ടര് ആയും നിയമിച്ചു.
ജയില് ഡി.ജി.പിയായ ബല്റാം കുമാര് ഉപാധ്യായയെ കേരള പോലീസ് അക്കാദമി (കെഇപിഎ) ഡയറക്ടറാക്കി. പോലീസ് ഇന്റലിജന്സ് ചുമതലയുള്ള ജി സ്പര്ജന് കുമാറിനെ ക്രൈം ബ്രാഞ്ച് ഐ.ജിയാക്കി. പി. പ്രകാശിനെ കോസ്റ്റല് പോലീസ് ഐ.ജിയായും കെ. സേതുരാമനെ ജയില് വകുപ്പിലേക്കും സ്ഥലംമാറ്റി. എ. അക്ബറിനെ ആഭ്യന്തര സുരക്ഷ ഐ.ജിയായി നിയമിച്ചു.
Related News
