റിയാദ് : ഒരു മാസം നീണ്ടു നിന്ന സതീഷ് മെമോറിയാല് മാസ്റ്റേഴ്സ് കപ്പ് ക്രക്കറ്റ് ടൂര്ണമെന്റില് റോക്സ്റ്റര്സ് ജേതാക്കളായി. ഇലവന് ഡക്ക്സ് ടീമിനെ നാല് വിക്കറ്റിനു പരാജയപ്പെടുത്തിയാണ് റോക്സ്റ്റാര്സ് ചാമ്പ്യന് പട്ടം കരസ്ഥമാക്കിയത്. റിയാദിലെ പ്രമുഖരായ പതിനാറു ടീമുകളാണ് ടൂര്ണമെന്റില് മാറ്റുരച്ചത്. എക്സിറ് 18 ലെ കെ സി എ ഗ്രൗണ്ടില് വെള്ളിയാഴ്ച നടന്ന ഫൈനല് മത്സരത്തില് ആദ്യം ബാറ്റ് ചെയ്ത ഇലവന് ഡക്ക്സ് 10 ഓവറില് 6 വിക്കറ്റ് നഷ്ടത്തില് 119 റണ്സെടുത്തു. എന്നാല് മറുപടി ബാറ്റിംഗിനിറങ്ങിയ റോക്സ്റ്റര്സ് ഒരു ഓവര് ബാക്കി നില്ക്കെ ലക്ഷ്യം കണ്ടു. റോക്സ്റ്റര്സിന്റെ സാദിഖ് ആണ് ഫൈനലില് പ്ലയെര് ഓഫ് ദി മാച്ച്.
ടൂര്ണമെന്റിലെ മികച്ച കളിക്കാരനായി അനസ് ( ഇലവന് ഡക്ക്സ് ), മികച്ച ബാറ്റര് ബിപിന് സുരേഷ് ( ഇലവന് ഡക്ക്സ് ), മികച്ച ബൗളര് ആക്കിബ് ( ഇലവന് ഡക്ക്സ് ), മികച്ച ഫീല്ഡര് മൂസ ( ഇലവന് ഡക്ക്സ് ), മികച്ച അമ്പയര് ബിനീഷ് ( റോക്സ്റ്റാര്സ് ) എന്നിവരെ തിരഞ്ഞെടുത്തു. എന് എം സി ഇ ലോജിസ്റ്റിക്സ് എം ഡി മുഹമ്മദ് ഖാന് ജേതാക്കള്ക്കുള്ള ട്രോഫിയും ക്യാഷ് പ്രൈസും സമ്മാനിച്ചു. ടൂര്ണമെന്റിലെ റണ്ണേഴ്സ് ആയ ഇലവന് ഡക്ക്സിനുള്ള ട്രോഫിയും ക്യാഷ് പ്രൈസും മാസ്റ്റേഴ്സ് ക്രിക്കറ്റ് ടീം സ്പോണ്സര്മാരായ സാനു മാവേലിക്കാരെ, പ്രിന്സ് തോമസ്, മാസ്റ്റേഴ്സ് പി ആര് ഒ ജോര്ജ് കെ ടി, ഖലീല് എന്നിവര് സമ്മാനിച്ചു.
മാസ്റ്റേഴ്സ് മാനേജര് ഷാബിന് ജോര്ജ്, ടൂര്ണമെന്റ് കോഡിനേറ്റര് അബ്ദുല്കരീം, ചീഫ് അമ്പയര് അമീര് മധുര്, സ്പോണ്സറായ സുരേഷ്, മറ്റു അമ്പയര്മാരായ ജാക്ക്സണ്, സുധീഷ്, സൈദ് കമല്, രാഹുല് എന്നിവര് മറ്റു ട്രോഫികളും സമ്മാനങ്ങളും നല്കി. ചടങ്ങില് മാസ്റ്റേഴ്സ് അംഗങ്ങളായ സജാദ്, ഖൈസ്, സജിത്ത്, സുല്ത്താന്, ഇജാസ്, അഖില്, അജ്മല്, ഷാഹിദ്, അര്ഷാദ്, ജിലിന്, അമീര്, പ്രമോദ്, അനന്ദു തുടങ്ങിയവരും സംബന്ധിച്ചു.
