കളമശ്ശേരി:സൗദി കെഎംസിസി ജുബൈല് കേന്ദ്ര കമ്മിറ്റി റമദാന് 2025 റിലീഫ് പ്രവര്ത്തനങ്ങളുടെ ഭാഗമായി കളമശ്ശേരി മെഡിക്കല് കോളേജ് ആസ്ഥാനമാക്കി സൗജന്യ ഡയാലിസിസ്, വൃക്ക- അര്ബുദ രോഗ നിര്ണ്ണയം തുടങ്ങി ചികില്സാ ജീവകാരുണ്യ രംഗത്ത് പ്രവര്ത്തിക്കുന്ന ശിഹാബ് തങ്ങള് സെന്റര് ഫോര് ഹെല്ത്ത് കെയര് ട്രസ്റ്റിന് ധന സഹായം നല്കി.
കെഎംസിസിയുടെ ധന സഹായം ട്രസ്റ്റ് ചെയര്മാനും മുസ്ലീം ലീഗ് സംസ്ഥാന വൈസ് പ്രസിഡണ്ടുമായ വികെ ഇബ്രാഹിം കുഞ്ഞ് സൗദി കിഴക്കന് പ്രവിശ്യാ കെഎംസിസി മുന് ജനറല് സെക്രട്ടറി സിറാജ് ആലുവയില് നിന്നും ഏറ്റുവാങ്ങി. കളമശ്ശേരി മണ്ഡലം മുസ്ലീം ലീഗ് സെക്രട്ടറിയും അല്കോബാര് കെഎംസിസി സ്ഥാപക ജനറല് സെക്രട്ടറിയുമായ അഷറഫ് പാനായിക്കുളം, ആലങ്ങാട് പഞ്ചായത്ത് മുസ്ലീം ലീഗ് ജനറല് സെക്രട്ടറി അമീറലി ചിറയം എന്നിവര് പങ്കെടുത്തു. സംസ്ഥാനത്തെ വിവിധ പ്രദേശങ്ങളിലുള്ള സി എച്ച് സെന്ററുകളും ശിഹാബ് തങ്ങള് റിലീഫ് സെന്ററുകള് അടക്കം ജീവകാരുണ്യ
മേഖലയില് പ്രവര്ത്തിക്കുന്ന സ്ഥാപനങ്ങള്ക്ക് റമദാന് റിലീഫ് പ്രവര്ത്തനങ്ങളുടെ ഭാഗമായി 24 ലക്ഷം രൂപയുടെ ധനസഹായം കൈമാറിയതായി ജൂബൈല് കെഎംസിസി സെന്ട്രല് കമ്മിറ്റി ഭാരവാഹികളായ എ ആര് സലാം ആലപ്പുഴ, ബഷീര് വെട്ടുപാറ, അസീസ് ഉണ്ണിയാല്, ഷിബു കവലയില് പല്ലാരിമംഗലം എന്നിവര് അറിയിച്ചു.
ഫോട്ടോ: സൗദി ജുബൈല് കെഎംസിസിയുടെ കളമശ്ശേരി ശിഹാബ് തങ്ങള് ഹെല്ത്ത് കെയര് ട്രസ്റ്റിനുള്ള ധന സഹായം സിറാജ് ആലുവയില് നിന്നും മുന് മന്ത്രി വി കെ ഇബ്രാഹിം കുഞ്ഞ് ഏറ്റുവാങ്ങുന്നു.
Related News
