മലപ്പുറം: പാണ്ടിക്കാട് ഗവണ്‍മെന്റ് ഹയര്‍ സെക്കന്‍ഡറി സ്‌കൂളില്‍ വണ്ടൂര്‍ ബ്ലോക്ക് പഞ്ചായത്ത് ഡിവിഷന്‍ മെമ്പര്‍ സുനില്‍കുമാര്‍ അനുവദിച്ച ഫിറ്റ്‌നസ് സെന്റര്‍ ഉദ്ഘാടനവും എസ്എസ്എല്‍സി പരീക്ഷയില്‍ ഉന്നത വിജയം കരസ്ഥമാക്കിയ കുട്ടികള്‍ക്കുള്ള അനുമോദനവും നടന്നു. വണ്ടൂര്‍ ബ്ലോക്ക് പഞ്ചായത്ത് പ്രസിഡണ്ട് വികെ അസ്‌കര്‍ ആമയൂര്‍ പരിപാടി ഉദ്ഘാടനം ചെയ്തു. പാണ്ടിക്കാട് ഗ്രാമപഞ്ചായത്ത് പ്രസിഡണ്ട് ടി സി റമീഷ അധ്യക്ഷത വഹിച്ചു.

കഴിഞ്ഞ എസ്എസ്എല്‍സി പരീക്ഷയില്‍ 534 ല്‍ 533 കുട്ടികളും ഉപരിപഠനത്തിന് അര്‍ഹത നേടി. 31 കുട്ടികള്‍ മുഴുവന്‍ എപ്ലസും, 23 കുട്ടികള്‍ 9 എ പ്ലസ് നേടി. വണ്ടൂര്‍ ബ്ലോക്ക് പഞ്ചായത്ത് സ്റ്റാന്‍ഡിങ് കമ്മിറ്റി ചെയര്‍പേഴ്‌സണ്‍ സുലൈഖ തൊണ്ടിയില്‍, വണ്ടൂര്‍ ബ്ലോക്ക് പഞ്ചായത്ത് മെമ്പര്‍മാരായ സുനില്‍കുമാര്‍, കുരുക്കള്‍ അഷ്‌റഫ് മുത്തു, പാണ്ടിക്കാട് ഗ്രാമപഞ്ചായത്ത് സ്റ്റാന്‍ഡിങ് കമ്മിറ്റി ചെയര്‍മാന്‍ പി സുനീര്‍, വാര്‍ഡ് മെമ്പര്‍ വി മജീദ് മാസ്റ്റര്‍, ശങ്കരന്‍ കൊരമ്പയില്‍, പിടിഎ പ്രസിഡണ്ട് എം കെ കുഞ്ഞുമുഹമ്മദ്, എസ് എം സി ചെയര്‍മാന്‍ ഉമ്മര്‍ മാസ്റ്റര്‍, പിടിഎ വൈസ് പ്രസിഡണ്ട് അസ്വാസ് പിലാക്കല്‍, എസ്എംസി വൈസ് ചെയര്‍മാന്‍ സക്കീര്‍ പൊടുവണ്ണി, മുന്‍ പ്രധാനാദ്ധ്യാപകന്‍ സി മുഹമ്മദ് ഇബ്രാഹിം എന്നിവര്‍ പ്രസംഗിച്ചു. ഹെഡ്മാസ്റ്റര്‍ ഇഎം ഉണ്ണികൃഷ്ണന്‍ സ്വാഗതവും സ്റ്റാഫ് സെക്രട്ടറി ടി എസ് ഡാനിഷ് നന്ദിയും പറഞ്ഞു.