കോഴിക്കോട് : സമസ്ത കേരള ഇസ്ലാം മത വിദ്യാഭ്യാസ ബോര്ഡിന്റെ ആഭിമുഖ്യത്തില് നടത്തുന്ന ലഹരി വിരുദ്ധ കാമ്പയിന്റെ ഭാഗമായാണ് മദ്രസ്സകളില് സ്പെഷ്യല് അസംബ്ലിയും ലഹരിക്കെതിരെ പ്രതിജ്ഞയും നടത്തി. 12 ലക്ഷത്തോളം വിദ്യാര്ഥികളും ഒരു ലക്ഷത്തോളം അദ്ധ്യാപകരും കമ്മിറ്റി ഭാരവാഹികളും സ്പെഷ്യല് അസംബ്ലിയില് അണി ചേര്ന്നു. സമസ്തയുടെ അംഗീകാരത്തോടെ പ്രവര്ത്തിക്കുന്ന 10,992 മദ്രസകളിലാണ് ഇന്ന് സ്പെഷ്യല് അസംബ്ലി ചേര്ന്നതും ലഹരി വിരുദ്ധ പ്രതിജ്ഞ എടുത്തതും. മുഅല്ലിംകളുടെയും മാനേജിങ് കമ്മിറ്റി ഭാരവാഹികളുടെയും നേതൃത്വത്തിലാണ് പരിപാടികള് സംഘടിപ്പിച്ചത്. അസംബ്ലിയോടാനുബന്ധിച്ച് ലഹരിക്കെതിരെ നടന്ന മെഗാ ഒപ്പ് ശേഖരണത്തില് 10 ലക്ഷം പേര് പങ്കാളികളായി.
മദ്യത്തിന്റെയും മറ്റു ലഹരി വസ്തുക്കളുടെയും വിപണനവും ഉപയോഗവും പൂര്ണ്ണമായും നിരോധിക്കണമെന്നും ലഹരിക്കെതിരെ നിയമ നടപടികള് കര്ശനമാക്കണമെന്നും ആവശ്യപ്പെട്ട് സംസ്ഥാന സര്ക്കാറിന് 10 ലക്ഷം പേര് ഒപ്പിട്ട ഭീമ ഹര്ജി സമസ്ത നേതാക്കള് മുഖ്യ മന്ത്രിക്ക് സമര്പ്പിക്കും. ലഹരി വിരുദ്ധ കാമ്പയിന്റെ ഭാഗമായി വ്യാപകമായ ബോധവല്ക്കരണ ക്ലാസുകള് സംഘടിപ്പിക്കാന് സമസ്ത കേരള ഇസ്ലാം മത വിദ്യാഭ്യാസ ബോര്ഡ് തീരുമാനിച്ചിട്ടുണ്ട്.
സദര് മുഅല്ലിംകളുടെ നേതൃത്വത്തില് ഗൃഹ സന്ദര്ശനം നടത്തും. സമസ്ത കേരള ഇസ്ലാം മത വിദ്യാഭ്യാസ ബോര്ഡ് തയ്യാറാക്കിയ ഡോക്യൂമെന്ററി യുടെ പ്രദര്ശനവും ബോധവത്കരണ ക്ലാസിനോടാനുബന്ധിച്ചു നടക്കും. സമസ്ത യുടെയും പോഷക സംഘടനകളുടെയും സഹകരണ ത്തത്തോടെ യാണ് പരിപാടികള് നടക്കുന്നത്. മദ്രസ്സകളില് സുന്നി ബാല വേദിയുടെ നേതൃത്വത്തില് വിദ്യാര്ത്ഥി സഭകള് രൂപീകരിക്കും.
Related News
