കൊച്ചി: ആലുവ മൂഴിക്കുളത്ത് അമ്മ പുഴയിലെറിഞ്ഞു കൊന്ന മൂന്നര വയസുകാരി ലൈംഗികമായി പീഡിപ്പിക്കപ്പെട്ടിരുന്നുവെന്ന് പോസ്റ്റ്മോര്ട്ടം റിപ്പോര്ട്ട്.
സംഭവവുമായി ബന്ധപ്പെട്ട് പിതാവിന്റെ അടുത്ത ബന്ധുവിനെ പുത്തന്കുരിശ് പോലീസ് കസ്റ്റഡിയില് എടുത്തു. ഇയാളെ ചോദ്യം ചെയ്തുവരുന്നു. പോസ്റ്റ്മോര്ട്ടം റിപ്പോര്ട്ടില് കുട്ടി പീഡനത്തിന് ഇരയായെന്ന് കണ്ടെത്തിയതിനെ തുടര്ന്നാണ് ബന്ധുവിനെ കസ്റ്റഡിയില് എടുത്തത്. സംഭവത്തില് പുത്തന്കുരിശ് പോലീസ് പോക്സോ കേസും രജിസ്റ്റര് ചെയ്തു. ഉന്നത ഉദ്യോഗസ്ഥരുടെ നേതൃത്വത്തില് അന്വേഷണ ഉദ്യോഗസ്ഥരുമായി റൂറല് എസ്.പി ഓഫീസില് ഇന്ന് അടിയന്തരയോഗം ചേര്ന്നിരുന്നു. പിന്നാലെയാണ് ബന്ധുവിനെ വിളിച്ചുവരുത്തിയത്. ഇയാളെ രാത്രി വൈകിയും വിട്ടയച്ചിട്ടില്ല.
കേസില് റിമാന്ഡില് കഴിയുന്ന മാതാവിനെ വിശദമായി ചോദ്യം ചെയ്യാന് പോലീസ് കസ്റ്റഡിയില് വാങ്ങും. നാളെ ആലുവ കോടതിയില് ഏഴ് ദിവസത്തെ കസ്റ്റഡി അപേക്ഷ സമര്പ്പിക്കുമെന്ന് ചെങ്ങമനാട് പോലീസ് അറിയിച്ചു. മെയ് 19ന് ആണ് കുറുമശ്ശേരിക്കാരിയായ അമ്മ കുട്ടിയെ പുഴയില് എറിഞ്ഞു കൊന്നത്.
Related News
