കൊച്ചി: പത്രപ്രവര്ത്തക പെന്ഷന് പ്രതിമാസം 15,000 രൂപയാക്കി വര്ധിപ്പിക്കണമെന്ന് സീനിയര് ജേര്ണലിസ്റ്റ് യൂണിയന് എറണാകുളം ജില്ലാ കമ്മിറ്റി സര്ക്കാരിനോട് ആവശ്യപ്പെട്ടു.
ആശ്രിത പെന്ഷന് 50 ശതമാനം നല്കാമെന്ന ഉറപ്പ് സര്ക്കാര് പാലിക്കണം.
നിലവിലെ പങ്കാളിത്ത പെന്ഷനില് വെള്ളം ചേര്ക്കാനുള്ള ചില ഉദ്യോഗസ്ഥരുടെ നിലപാടിനെ സര്ക്കാര് തിരുത്തണം.
പത്രപ്രവര്ത്തനവുമായി ബന്ധമില്ലാത്തവരെ തിരുകിക്കയറ്റി പെന്ഷന് സമ്പ്രദായം അട്ടിമറിക്കാനുള്ള നീക്കം ഉപേക്ഷിക്കണം.
അടുത്ത മാസം കണ്ണൂരില് ചേരുന്ന സംസ്ഥാന സമ്മേളനം വിജയിപ്പിക്കാന് യോഗം തീരുമാനിച്ചു.
എറണാകുളം പ്രസ്സ്ക്ലബ്ബില് ചേര്ന്ന യോഗത്തില്
പ്രസിഡന്റ് കെ.കെ ഗോപാലന് അധ്യക്ഷത വഹിച്ചു.
മുതിര്ന്ന നേതാക്കളായ പി.എ അലക്സാണ്ടര്, കെ.എച്ച് മുഹമ്മദ് അഷ്റഫ്, യൂണിയന് സംസ്ഥാന ജനറല് സെക്രട്ടറി വി.ആര് രാജ്മോഹന്, റോബര്ട്ട് ലിവരോ, കെ. ആര് ഹരിലാല്, എ.കെ ദാസന് എന്നിവര് പ്രസംഗിച്ചു. ജില്ലാ സെക്രട്ടറി അബ്ദുല്ല മട്ടാഞ്ചേരി സ്വാഗതവും പി.ആര് പരമേശ്വരന് നന്ദിയും പറഞ്ഞു.
Related News
