തിരുവനന്തപുരം: ഒഡീഷ തീരത്തോടു ചേര്ന്ന് ബംഗാള് ഉള്ക്കടലില് മറ്റൊരു ന്യൂനമര്ദം കൂടി രൂപപ്പെടുകയും പടിഞ്ഞാറന് കാറ്റ് കേരളത്തിനു മുകളില് ശക്തി പ്രാപിക്കാന് സാധ്യതയേറുകയും ചെയ്തതോടെ കേരളത്തിലെ അതിതീവ്ര മഴ മൂന്നു ദിവസം കൂടി തുടരും.
കോഴിക്കോട്, വയനാട്, ഇടുക്കി ജില്ലകളില് ഇന്നു സ്കൂളുകള്ക്ക് അവധിയായിരിക്കുമെന്ന് കലക്ടര്മാര് അറിയിച്ചു. അങ്കണവാടികള്, മദ്രസകള്, ട്യൂഷന് സെന്റര് എന്നിവയ്ക്കും അവധി ബാധകമാണ്. വയനാട്ടിലും ഇടുക്കിയിലും പ്രഫഷനല് കോളജുകള്ക്കും അവധി പ്രഖ്യാപിച്ചിട്ടുണ്ട്. സര്വകലാശാലാ പരീക്ഷകള്ക്കും പിഎസ്സി പരീക്ഷകള്ക്കും അവധി ബാധകമല്ല. ഇടുക്കി, മുല്ലപ്പെരിയാര് ഉള്പ്പടെ ഡാമുകളില് ജലനിരപ്പ് ഉയര്ന്നു.
Related News
