മലപ്പുറം: യുഡിഎഫ് ചെയര്മാന് ഗൂഢലക്ഷ്യമാണെന്നും തല്ക്കാലം നയം വ്യക്തമാക്കാന് ഉദ്ദേശിക്കുന്നില്ലെന്നും പി.വി അന്വര് വ്യക്തമാക്കി. നിലമ്പൂര് ഉപതെരഞ്ഞെടുപ്പ് പി.വി അന്വറിനെ ഒതുക്കാനാണോ അതോ പിണറായി വിജയനെ ഒതുക്കാനാണോ യുഡിഎഫ് ചെയര്മാന് ശ്രമിക്കുന്നതെന്ന് അദ്ദേഹം ചോദിച്ചു. സതീശന് അന്വറിനെ ഒതുക്കാനാണ് ശ്രമിക്കുന്നതെന്നും അദ്ദേഹം പറഞ്ഞു.
'യുഡിഎഫ് ചര്ച്ചയെക്കുറിച്ച് അറിയില്ല. യുഡിഎഫ് കണ്വീനര് ബന്ധപ്പെട്ടിട്ടില്ല. തന്നെ ഒതുക്കലാണോ യുഡിഎഫ് ചെയര്മാന്റെ ലക്ഷ്യം. അസോസിയേറ്റ് മെമ്പര്ഷിപ്പ് താന് അംഗീകരിച്ചിട്ടും പ്രഖ്യാപിക്കാന് സതീശന് വൈകിപ്പിച്ചു. പി.വി അന്വറുമായി കൂടിക്കാഴ്ച നടത്തിയാല് യുഡിഎഫ് ചെയര്മാന് സ്ഥാനം രാജിവയ്ക്കുമെന്ന് കെസിയോട് സതീശന് പറഞ്ഞു. ഇന്നലെ വൈകിട്ട് അഞ്ച് മണി മുതല് 7.45 വരെ കോഴിക്കോട് കെസിയെ കാണാന് കാത്തിരുന്നു. ധൃതിയുണ്ട് പിന്നീട് സംസാരിക്കാമെന്നാണ് കെ.സി പറഞ്ഞത്.
തല്ക്കാലം നയം വ്യക്തമാക്കാന് തീരുമാനിച്ചിട്ടില്ല. എനിക്ക് വേണ്ടി ഇനി ആരുടെയും കാലുപിടിക്കേണ്ടെന്ന് കുഞ്ഞാലിക്കുട്ടി സാഹിബിനോട് പറഞ്ഞിട്ടുണ്ട്. ഇനി പ്രതീക്ഷ നിലമ്പൂരിലെ ജനങ്ങളിലാണ്'- പി.വി അന്വര് പറഞ്ഞു. തന്നെ ടി.പി യോ മഅ്ദനിയോ ആക്കാനാണ് വി.ഡി സതീശന് ശ്രമിക്കുന്നതെന്നും വെട്ടിക്കൊന്നോ ജയിലിലടച്ചോ ഇല്ലായ്മ ചെയ്യാനുള്ള സ്ട്രാറ്റജി യുഡിഎഫ് ചെയര്മാന് ഉണ്ടെന്നും അന്വര് കൂട്ടിച്ചേര്ത്തു.
നിലമ്പൂര് ഉപതെരഞ്ഞെടുപ്പില് പി.വി അന്വര് മത്സരിക്കുമെന്ന് തൃണമൂല് കോണ്ഗ്രസ് വ്യക്തമാക്കിയിരുന്നു. ഇത്തരമൊരു സാഹചര്യത്തില് അന്വര് മത്സര രംഗത്ത് വന്നുകൂടായ്കയില്ല.
Related News
