മലപ്പുറം: സംസ്ഥാന ന്യൂനപക്ഷ ക്ഷേമ വകുപ്പിന് കീഴില്‍ കൊളപ്പുറം അത്താണിക്കലില്‍ പ്രവര്‍ത്തിക്കുന്ന ന്യൂനപക്ഷ യുവജന പരിശീലന കേന്ദ്രത്തില്‍ പിഎസ്സി, യുപിഎസ്സി മത്സരപരീക്ഷകള്‍ എഴുതുന്ന ഉദ്യോഗാര്‍ത്ഥികള്‍ക്കുള്ള പരിശീലനത്തിന് അപേക്ഷ ക്ഷണിച്ചു.

2025 ജൂലൈ ഒന്നു മുതല്‍ ഡിസംബര്‍ 30 വരെയുള്ള റെഗുലര്‍, ഹോളിഡേ ബാച്ചുകളിലേക്കാണ് പ്രവേശനം. 18 വയസ്സ് പൂര്‍ത്തിയാക്കിയവര്‍ക്ക് അപേക്ഷിക്കാം. ആറുമാസത്തെ പരിശീലനം സൗജന്യമായിരിക്കും, താത്പര്യമുള്ളവര്‍ ആധാര്‍ കാര്‍ഡ്, എസ്എസ്എല്‍സി, പ്ലസ്ടു എന്നീ സര്‍ട്ടിഫിക്കറ്റുകളുടെ പകര്‍പ്പ്, രണ്ട് ഫോട്ടോ എന്നിവ സഹിതം ജൂണ്‍ 20ന് മുന്‍പ് ഓഫീസില്‍ നേരിട്ടെത്തി അപേക്ഷിക്കണം. ഫോണ്‍: 9895238815.