തൃശൂര്: ഇരിങ്ങാലക്കുട പടിയൂരില് യുവതിയെയും അമ്മയെയും മരിച്ചനിലയില് കണ്ടെത്തിയ സംഭവം കൊലപാതകമെന്ന് പോലീസ്. കാറളം വെള്ളാനി കൈതവളപ്പില് പരേതനായ പരമേശ്വരന്റെ ഭാര്യ മണി (74), മകള് രേഖ (43) എന്നിവരെയാണ് പടിയൂര് പഞ്ചായത്തിനു സമീപമുള്ള വാടകവീട്ടില് മരിച്ചനിലയില് കണ്ടെത്തിയത്. സംഭവത്തില് രേഖയുടെ ഭര്ത്താവ് പ്രേംകുമാറിനായി പൊലീസ് തിരച്ചില് നടത്തുകയാണ്. ആദ്യഭാര്യയായ ഉദയംപേരൂര് സ്വദേശി വിദ്യയെ കൊലപ്പെടുത്തി കാട്ടില് കുഴിച്ചുമൂടിയ കേസിലും പ്രതിയാണ് പ്രേംകുമാര് ജാമ്യത്തിലിറങ്ങി അഞ്ചുമാസം മുന്പാണ് രേഖയെ വിവാഹം കഴിച്ചത്. പിന്നീട് ഇവര് തമ്മില് കലഹം ഉണ്ടാവുകയും അതു കൊലപാതകത്തിലേക്കു നയിക്കുകയുമായിരുന്നുവെന്നാണ് പോലീസ് സംശയിക്കുന്നത്.
ആദ്യ വിവാഹ ബന്ധം വേര്പിരിഞ്ഞ രേഖ 5 മാസം മുന്പാണ് കോട്ടയം സ്വദേശിയായ പ്രേംകുമാറിനെ വിവാഹം കഴിച്ചത്. കുടുംബപ്രശ്നങ്ങളെത്തുടര്ന്ന് ഇയാള്ക്കെതിരെ ഇരിങ്ങാലക്കുട വനിതാ സ്റ്റേഷനില് രേഖ പരാതി നല്കിയിരുന്നതായും ഇതിന്റെ ഭാഗമായി കഴിഞ്ഞ 2ന് മണിയും രേഖയും പ്രേംകുമാറും സ്റ്റേഷനില് ചെന്നിരുന്നതായും മണിയുടെ മൂത്ത മകള് സിന്ധു പറഞ്ഞു.
വീട്ടില്നിന്നു ദുര്ഗന്ധം വന്നതിനെ തുടര്ന്ന് അയല്വാസിയായ വീട്ടുടമ വിവരം അറിയിച്ചതനുസരിച്ചെത്തിയ മൂത്ത മകള് സിന്ധു വീടിന്റെ പിറകുവശത്തെ പൂട്ടാതിരുന്ന വാതില് തുറന്ന് അകത്തു കയറി നോക്കിയപ്പോഴാണ് ഇരുവരെയും മരിച്ച നിലയില് കണ്ടത്. മൃതദേഹ പരിശോധനയ്ക്കിടെ പ്രേംകുമാര് എഴുതിയതെന്ന് കരുതുന്ന ഭീഷണി സ്വരത്തിലുള്ള കത്ത് പൊലീസിനു ലഭിച്ചു. ഇത് പരിശോധിച്ചതിന്റെ അടിസ്ഥാനത്തിലാണ് കൊലപാതകമാണെന്ന് സംശയിക്കുന്നതെന്ന് പൊലീസ് പറഞ്ഞു. പോസ്റ്റുമോര്ട്ടത്തിന് ശേഷമേ സ്ഥിരീകരിക്കാന് കഴിയുകയുള്ളൂ. ആദ്യ ഭാര്യ ഉദയംപേരൂരിലെ വിദ്യയെ കൊലപ്പെടുത്തി കാട്ടില് കുഴിച്ചുമൂടിയ കേസില് ജയില്വാസം അനുഭവിച്ച പ്രേംകുമാര് ജാമ്യത്തില് ഇറങ്ങിയതായിരുന്നു. ഇതിനിടെയാണ് രണ്ടാം വിവാഹം കഴിച്ച് വീണ്ടും കൊലപാതകം നടത്തിയത്.
ഫോട്ടോ: പ്രതി പ്രേംകുമാറും കൊല്ലപ്പെട്ട രേഖയും മണിയും.
Related News
