തിരുവനന്തപുരം: ബലിപെരുന്നാള് പ്രമാണിച്ച് സംസ്ഥാനത്തെ പ്രഫഷണല് കോളജുകള് ഉള്പ്പെടെ എല്ലാ വിദ്യാഭ്യാസ സ്ഥാപനങ്ങള്ക്കും നാളെ (വെള്ളിയാഴ്ച) സര്ക്കാര് അവധി പ്രഖ്യാപിച്ചു. ഉന്നതവിദ്യഭ്യാസ വകുപ്പിന് കീഴില് വരുന്ന പ്രഫഷണല് കോളജുകള് ഉള്പ്പടെയുള്ള വിദ്യാഭ്യാസ സ്ഥാപനങ്ങള്ക്ക് ഉന്നതവിദ്യാഭ്യാസ മന്ത്രി ആര്.ബിന്ദു അവധി പ്രഖ്യാപിച്ചതിന് പിറകെയാണ് സംസ്ഥാനത്തെ മുഴുവന് സ്കുളുകള്ക്കും അവധിയായിരിക്കുമെന്ന് പൊതുവിദ്യാഭ്യാസ മന്ത്രി വി.ശിവന്കുട്ടിയും പ്രഖ്യാപിച്ചത്.
നേരത്തെ, സര്ക്കാര് കലണ്ടര് പ്രകാരം വെള്ളിയാഴ്ച അവധിയായിരുന്നു. ഇതിനിടെയാണ് വിദ്യാലയങ്ങള്ക്കും സര്ക്കാര് സ്ഥാപനങ്ങള്ക്കും വെള്ളിയാഴ്ച പ്രവൃത്തി ദിവസമായും ശനിയാഴ്ച അവധിയായും മാറ്റാന് മന്ത്രിസഭാ യോഗം തീരുമാനിച്ചത്. അതു പ്രകാരം സര്ക്കാര് പ്രഖ്യാപനം വരികയും ചെയ്തിരുന്നു.
പെരുന്നാള് അവധി മാറ്റിയതിനെതിരെ പ്രതിപക്ഷ പാര്ട്ടികളും മതസംഘടനകളും വലിയവിമര്ശനം ഉയര്ത്തിയിരുന്നു. സംസ്ഥാനത്ത് ഒരുവിഭാഗം നാളെ പെരുന്നാള് ആഘോഷിക്കുന്നുണ്ട്. ഈ സാഹചര്യത്തില് രണ്ടുദിവസം അവധി വേണമെന്നായിരുന്ന ആവശ്യം. പ്രതിഷേധം ശക്തമായതോടെയാണ് സംസ്ഥാനത്തെ വിദ്യാഭ്യാസ സ്ഥാപനങ്ങള്ക്ക് ശനിയാഴ്ചക്ക് പുറമെ നാളെയും സര്ക്കാര് അവധി പ്രഖ്യാപിച്ചത്.
Related News
