പത്തനംതിട്ട: യുവതിക്കൊപ്പം മുറിയെടുത്ത യുവാവ് തൂങ്ങിമരിച്ച നിലയില്‍. അടൂര്‍ ആദിക്കാട്ടുകുളങ്ങര മുട്ടാരി വടക്കേതില്‍ നൗഷാദിന്റെ മകന്‍ മുഹമ്മദ് സൂഫിയാന്‍ (22) ആണ് മരിച്ചത്. ശനിയാഴ്ച വൈകിട്ട് കുമ്പഴയില്‍ ലോഡ്ജിലാണ് സംഭവം. മൂന്നരയോടെയാണ് മുഹമ്മദ് സൂഫിയാന്‍ കലഞ്ഞൂര്‍ സ്വദേശിയായ ഇരുപതുകാരിയുമായി ലോഡ്ജില്‍ മുറിയെടുത്തത്. രാത്രി ഏഴരയോടെ ഇവര്‍ തമ്മില്‍ വഴക്കുണ്ടായി. തുടര്‍ന്ന് യുവതി ടോയ്ലറ്റില്‍ പോയ സമയത്താണ് യുവാവ് തൂങ്ങിമരിച്ചത്. ടോയ്ലറ്റില്‍ നിന്ന് ഇറങ്ങിവന്ന യുവതിയാണ് മൃതദേഹം ആദ്യം കണ്ടത്. തുടര്‍ന്ന് ലോഡ്ജ് അധികൃതരെ വിവരം അറിയിക്കുകയായിരുന്നു. ഇവരാണ് പൊലീസിനെ വിവരമറിയിച്ചത്. സംഭവത്തില്‍ പത്തനംതിട്ട പൊലീസ് അസ്വഭാവിക മരണത്തിന് കേസെടുത്തു.