.jpg)
തിരുവനന്തപുരം: നവജാത ശിശുവിന്റെ വായില് ടിഷ്യു പേപ്പര് തിരുകി കൊലപ്പെടുത്തിയ അമ്മ അറസ്റ്റില്. മാര്ത്താണ്ഡം കരുങ്കല് പാലൂര് കാട്ടുവിള സ്വദേശി ബെനിറ്റ ജയ അന്നാള് (21) ആണ് അറസ്റ്റിലായത്. ഭര്ത്താവ് തന്നേക്കാള് സ്നേഹം കുട്ടിയോട് പ്രകടിപ്പിച്ചതിലെ പകയാണ് കുട്ടിയെ കൊലപ്പെടുത്താന് കാരണമെന്ന് പറയുന്നു. ദിണ്ഡിഗല് സ്വദേശി കാര്ത്തിക്കാണ് ഭര്ത്താവ്. വിവാഹ ശേഷം ഇരുവരും അവിടെ താമസിക്കുകയായിരുന്നു. ഭര്ത്താവ് തന്നേക്കാള് സ്നേഹം കുട്ടിയോട് പ്രകടിപ്പിച്ചതിലെ പകയാണ് കൊലയ്ക്കു കാരണമെന്ന് യുവതി പൊലീസിനു മൊഴി നല്കി.
42 ദിവസങ്ങള്ക്കു മുന്പ് പെണ്കുഞ്ഞ് ജനിച്ചതിനെ തുടര്ന്ന് കുഞ്ഞുമായി നാട്ടില് എത്തിയ ബെനിറ്റ തന്റെ മാതാപിതാക്കള്ക്കൊപ്പം കഴിഞ്ഞു വരികയായിരുന്നു. കഴിഞ്ഞ ദിവസം പുലര്ച്ചെ കുഞ്ഞ് അനക്കമില്ലാതെ കിടക്കുന്നതു ശ്രദ്ധയില്പെട്ട കാര്ത്തിക കുഞ്ഞിനെ സമീപത്തുള്ള സ്വകാര്യ ആശുപത്രിയില് പ്രവേശിപ്പിച്ചു. തുടര്ന്ന് ഡോക്ടര് മരണം സ്ഥിരീകരിക്കുകയും കുഞ്ഞിനെ കൊലപ്പെടുത്തിയതാകാമെന്ന് പോസ്റ്റമോര്ട്ടം റിപ്പോര്ട്ടില് സംശയം പ്രകടിപ്പിക്കുകയും ചെയ്തു. തുടര്ന്നാണ് ബെനിറ്റ ജയയെ പോലീസ് അറസ്റ്റ് ചെയ്തത്.
Related News
