തിരുവനന്തപുരം: ആറ്റിങ്ങലില് യുവതിയെ ലോഡ്ജില് മരിച്ച നിലയില് കണ്ടെത്തിയ സംഭവം കൊലപാതകമെന്ന് സ്ഥിരീകരണം. കോഴിക്കോട് വടകര സ്വദേശി അസ്മിനയെയാണ് മരിച്ച നിലയില് കണ്ടെത്തിയത്. ലോഡ്ജ് ജീവനക്കാരന് കായംകുളം സ്വദേശി ജോബി ജോര്ജാണ് പ്രതിയെന്നു സംശയിക്കുന്നു. കഴിഞ്ഞ ദിവസം യുവതിയെ ഭാര്യയെന്ന് പറഞ്ഞു ലോഡ്ജില് താമസിപ്പിക്കുകയായിരുന്നു. രാത്രിയില് ജോബിയെ കാണാനായി മറ്റാരോ ലോഡ്ജില് എത്തിയതായും കണ്ടെത്തിയിട്ടുണ്ട്. ഏതാനും ദിവസം മുന്പാണ് ജോബി ഇവിടെ ജോലിക്കെത്തിയത്.
ഇന്ന് രാവിലെ മുറി തുറക്കാതായപ്പോള് നടത്തിയ പരിശോധനയിലാണ് അസ്മിനയെ മരിച്ച നിലയില് കണ്ടെത്തിയത്. ഇന്നലെയാണ് ഇവര് മുറിയെടുത്തത്.
ജോബി പുലര്ച്ചെ മുറിയില് നിന്നും പോകുന്ന സിസിടിവി ദൃശ്യങ്ങള് പൊലീസിന് ലഭിച്ചു. യുവതിയുടെ ശരീരത്തില് കുപ്പി കൊണ്ട് കുത്തിയ പാടുകളുണ്ട്. മുറിയില് നിന്ന് പൊട്ടിയ മദ്യക്കുപ്പി പൊലീസ് കണ്ടെടുത്തു. ആറ്റിങ്ങല് പൊലീസ് അന്വേഷണം ഊര്ജിതമാക്കി. മൃതദേഹം ഇന്ക്വസ്റ്റ് നടപടികള് പൂര്ത്തിയാക്കി മെഡിക്കല് കോളേജ് മോര്ച്ചറിയിലേക്ക് മാറ്റി.
Related News
