തിരുവനന്തപുരം: കേരളമടക്കമുള്ള 12 സംസ്ഥാനങ്ങളില് വോട്ടര്പട്ടിക തീവ്ര പരിഷ്കരണ നടപടികള് ആരംഭിച്ചു. സംസ്ഥാനത്ത് ഇന്ന് മുതല് എനുമറേഷന് ഫോമിന്റെ പ്രിന്റിംഗ് നടക്കും. എന്നാല് ഐആറിനെതിരെ എതിരെ പ്രതിഷേധം ശക്തമാക്കാനാണ് ബിജെപി ഇതര സംസ്ഥാനങ്ങളുടെ തീരുമാനം.
എസ്ഐആറില് ഉദ്യോഗസ്ഥര്ക്കുള്ള പരിശീലനം അടക്കമുള്ള നടപടികളാണ് നവംബര് 3 വരെ നടക്കുക. നവംബര് 4 മുതലാണ് വീടുകള് കയറിയുള്ള വിവരശേഖരണം. എസ്ഐആര് രണ്ടാം ഘട്ടം നടപ്പാക്കുമെന്ന് പ്രഖ്യാപിച്ച 12 സംസ്ഥാനങ്ങളിലെയും വോട്ടര്പട്ടിക നിലവില് മരവിപ്പിച്ചിട്ടുണ്ട്. ബിഎല്ഒമാര് വഴി ഫോമുകള് വോട്ടര്മാരിലേക്ക് എത്തിക്കും. കേരളത്തിലെ മുഖ്യതെരഞ്ഞെടുപ്പ് ഓഫീസര് രത്തന് ഖേല്കര് കലക്ടര്മാരുമായി ഇന്ന് ചര്ച്ച നടത്തും. നാളെ രാഷ്ട്രീയകക്ഷികളുമായും ചര്ച്ച നടത്തും.
സംസ്ഥാനത്ത് എസ്ഐആര് നടപടികളെ എതിര്ക്കുമെന്ന് സിപിഎമ്മും കോണ്ഗ്രസും വ്യക്തമാക്കിയിട്ടുണ്ട്. ബിജെപി അജണ്ട നടപ്പാക്കാനുള്ള ശ്രമമെന്നാണ് സിപിഎം ആരോപണം. ഈ സമയത്ത് എസ്ഐആര് നടപ്പാക്കുന്നതിന് പിന്നില് ദുരുദ്ദേശമുണ്ടെന്നാണ് കോണ്ഗ്രസ് നിലപാട്. നാളത്തെ യോഗത്തില് എതിര്പ്പ് അറിയിക്കാനാണ് പാര്ട്ടികളുടെ തീരുമാനം.
Related News
