ഗുരുവായൂര്: ഹൈക്കോടതിയുടെ കര്ശന ഉത്തരവ് മറികടന്ന് ഗുരുവായൂര് ക്ഷേത്രത്തില് വീണ്ടും റീല്സ് ചിത്രീകരിച്ച സംഭവത്തില് പോലീസ് കേസെടുത്തു. ജസ്ന സലീം എന്ന യുവതിക്കെതിരെയാണ് ക്ഷേത്രം അഡ്മിനിസ്ട്രേറ്ററുടെ പരാതിയുടെ അടിസ്ഥാനത്തില് നടപടി സ്വീകരിച്ചത്.
ക്ഷേത്രനടപ്പുരയില് റീല്സ് ചിത്രീകരിക്കുന്നത് മുന്പ് ഹൈക്കോടതി വിലക്കിയിരുന്നു. മതപരമായ ചടങ്ങുകളോ വിവാഹങ്ങളോ ഒഴികെ മറ്റ് വീഡിയോ ചിത്രീകരണങ്ങള് പാടില്ലെന്ന് കോടതി വ്യക്തമായ നിര്ദേശം നല്കിയിരുന്നു. എന്നാല്, ഈ വിലക്ക് നിലനില്ക്കെയാണ് ജസ്ന സലീം വീണ്ടും റീല്സ് ചിത്രീകരിച്ചത്. ഓഗസ്റ്റ് 28-നാണ് വിവാദമായ ഈ റീല്സ് ചിത്രീകരണം നടന്നത്.
സാമൂഹ്യ മാധ്യമങ്ങളില് ഈ പോസ്റ്റ് ശ്രദ്ധയില്പ്പെട്ടതിനെത്തുടര്ന്ന് നവംബര് 5-നാണ് ക്ഷേത്രം അഡ്മിനിസ്ട്രേറ്റര് പോലീസില് പരാതി നല്കിയത്. മുന്പും ജസ്ന ക്ഷേത്രനടപ്പുരയില് കേക്ക് മുറിച്ച് പിറന്നാള് ആഘോഷിച്ച് അതിന്റെ വീഡിയോ സമൂഹ മാധ്യമങ്ങളില് പ്രചരിപ്പിച്ചത് വലിയ വിവാദമായിരുന്നു. ഇതേത്തുടര്ന്ന് പരാതി ഹൈക്കോടതിയിലെത്തുകയും, തുടര്ന്ന് നടപ്പുരയിലെ വീഡിയോ ചിത്രീകരണങ്ങള്ക്ക് കോടതി വിലക്കേര്പ്പെടുത്തുകയും ചെയ്യുകയായിരുന്നു. ഹൈക്കോടതിയുടെ വ്യക്തമായ നിര്ദേശം നിലനില്ക്കുമ്പോഴും വീണ്ടും നടന്ന ഈ നിയമലംഘനം ഗുരുതരമായാണ് അധികൃതര് കാണുന്നത്.
Related News
