ആലപ്പുഴ: തുറവൂര് ഉയരപ്പാത നിര്മാണത്തിനിടെ ഗര്ഡര് വീണ് ഒരാള് മരിച്ചു. പിക്കപ്പ് വാനിന് മുകളിലേക്ക് ഗര്ഡറുകള് പതിക്കുകയായിരുന്നു. പിക്കപ്പ് വാന് ഡ്രൈവറായ ആലപ്പുഴ പള്ളിപ്പാട് സ്വദേശി രാജേഷാണ് മരിച്ചത്. നിര്മാണത്തിനിടെ രണ്ട് ഗര്ഡറുകള് താഴേക്ക് വീഴുകയായിരുന്നു. പുലര്ച്ചെ രണ്ട് മണിയോടെയാണ് അപകടം. മൂന്നു മണിക്കൂറുകള്ക്കു ശേഷമാണ് രാജേഷിനെ പുറത്തെടുക്കാനായത്. അപ്പോഴേക്കും ആള് മരിച്ചിരുന്നു.
ഇന്നലെ രാത്രിയോടുകൂടിയാണ് ഗര്ഡറുകള് സ്ഥാപിച്ചിരുന്നത്. ഇതിനിടെ ജാക്കി തെന്നിമാറിയാണ് ഗര്ഡറുകള് താഴേക്ക് പതിച്ചതെന്നാണ് വിവരം. മുട്ട കയറ്റി വന്ന പിക്കപ്പ് വാനിന് മുകളിലേക്കാണ് ഗര്ഡറുകള് ഒടിഞ്ഞ് വീണത്. അപകടത്തെ തുടര്ന്ന് ആലപ്പുഴ എറണാകുളം റൂട്ടില് വാഹനങ്ങള് വഴി തിരിച്ചു വിടുന്നുണ്ട്. എറണാകുളം ഭാഗത്തേക്കുള്ള വാഹനങ്ങള് ചേര്ത്തല എക്സറേ ജംഗ്ഷനില് നിന്ന് പൂച്ചാക്കല് വഴി തിരിച്ച് വിടും.
അപകടത്തിന് കാരണം ഹൈഡ്രോളിക് ജാക്കിയുടെ തകരാറാണെന്ന് പ്രാഥമിക നിഗമനമെന്ന് ആലപ്പുഴ ജില്ലാ കളക്ടര് അലക്സ് വര്ഗീസ് അറിയിത്തു, ഗര്ഡര് തൂണുകള്ക്ക് മുകളില് കയറ്റിയപ്പോള് ജാക്കി പ്രവര്ത്തിച്ചില്ല. ഗര്ഡര് സ്ഥാപിക്കുന്ന സമയത്ത് വാഹന ഗതാഗതം തടയാത്തതില് ദേശിയപാതാ അതോറിറ്റിക്ക് ഗുരുതര വീഴ്ചയുണ്ടായെന്നും ജില്ലാ കളക്ടര് പറഞ്ഞു.
Related News
