കൊച്ചി: ബലാത്സംഗക്കേസില് പ്രതിയായ രാഹുല് മാങ്കൂട്ടത്തില് എം.എല്.എയുടെ അറസ്റ്റ് ഹൈക്കോടതി താല്ക്കാലികമായി തടഞ്ഞു. രാഹുല് നല്കിയ മുന്കൂര് ജാമ്യാപേക്ഷ പരിഗണിക്കവെയാണ് ജസ്റ്റിസ് കെ. ബാബുവിന്റെ ഉത്തരവ്. കേസിന്റെ മെറിറ്റിലേക്ക് കടക്കാതെയാണ് കോടതിയുടെ ഇടപെടല്. ഹരജിയില് വിശദമായ വാദം കേള്ക്കുന്നതിനായി കേസ് ഡിസംബര് 15-ലേക്ക് മാറ്റി.
പ്രാഥമികമായി തെളിവുണ്ടെന്ന് ചൂണ്ടിക്കാട്ടി തിരുവനന്തപുരം പ്രിന്സിപ്പല് സെഷന്സ് കോടതി മുന്കൂര് ജാമ്യം തള്ളിയതിനെ തുടര്ന്നാണ് രാഹുല് ഹൈക്കോടതിയെ സമീപിച്ചത്. ഉഭയസമ്മതപ്രകാരമുള്ള ബന്ധമാണ് ഉണ്ടായിരുന്നതെന്നും, കേസ് രാഷ്ട്രീയ പ്രേരിതമാണെന്നുമാണ് രാഹുലിന്റെ വാദം. എന്നാല്, എം.എല്.എ പദവിയിലെത്തിയ ശേഷം വിവാഹവാഗ്ദാനം നല്കി പീഡിപ്പിക്കുകയും നിര്ബന്ധിത ഗര്ഭഛിദ്രത്തിന് ഇരയാക്കുകയും ചെയ്തെന്നാണ് പ്രോസിക്യൂഷന് കേസ്.
അതേസമയം, പത്ത് ദിവസമായി ഒളിവില് തുടരുന്ന രാഹുലിനായുള്ള അന്വേഷണം പോലീസ് ഊര്ജിതമാക്കിയിട്ടുണ്ട്. രാഹുലിനെ മംഗലാപുരത്തേക്ക് കടക്കാന് സഹായിച്ച ഡ്രൈവര് ആല്വിന്, ഓഫീസ് ജീവനക്കാരന് ഫസല് എന്നിവരെ അന്വേഷണസംഘം പ്രതിചേര്ത്തു. ഇവര് ഉപയോഗിച്ച ഹോണ്ട അമേസ് കാറും കസ്റ്റഡിയിലെടുത്തിട്ടുണ്ട്.
Related News
