തിരുവനന്തപുരം: തദ്ദേശ സ്ഥാപനങ്ങളിലേക്കു നടന്ന തെരഞ്ഞെടുപ്പില്‍ ആദ്യ ഘട്ടത്തില്‍ എല്‍ഡിഎഫ് മുന്നിലായിരുന്നുവെങ്കിലും പിന്നീട് യു.ഡി.എഫ് വന്‍ തിരിച്ചുവരവ് നടത്തിയിരിക്കുകയാണ്. നിലവില്‍ ആറ് കോര്‍പറേഷനുകളില്‍ യുഡിഎഫ് നാലിലും എല്‍ഡിഎഫ് രണ്ടിലും എന്‍ഡിഎ ഒന്നിലും ലീഡ് ചെയ്യുന്നു. തിരുവനന്തപുരം കോര്‍പറേഷനിലെ ആദ്യ ലീഡ് എന്‍ഡിഎക്കായിരുന്നുവെങ്കിലും പിന്നീട് എല്‍ഡിഎഫ് ഒപ്പത്തിനൊപ്പമവുകയും വീണ്ടും എന്‍ഡിഎ മുന്നിലെത്തുകയുമായിരുന്നു. മുനിസിപ്പാലിറ്റികളില്‍ യുഡിഎഫ് ആണ് മുന്നില്‍. 86 മുനിസിപ്പാലിറ്റികളില്‍ 49 ഇടത്ത് യുഡിഎഫും 29 ഇടത്ത് എല്‍ഡിഎഫും രണ്ടിടത്ത് എന്‍ഡിഎഫും മുന്നിലാണ്.ഒരുടത്ത് എന്‍ഡിഎഫും മുന്നിലാണ്.

ജില്ലാ പഞ്ചായത്തുകളിലും യുഡിഎഫ് ആണ് ഇപ്പോള്‍ മുന്നിലുള്ളത്. ജില്ലാ പഞ്ചായത്തില്‍ 7 ഇടത്ത് യുഡിഎഫും ആറിടത്ത് എല്‍ഡിഎഫും മുന്നിലാണ്. ബ്ലോക് പഞ്ചായത്തില്‍ 72 എല്‍ഡിഎഫും 62 ഇടത്ത് യുഡിഎഫുമാണ്് മുന്നില്‍. ഗ്രാമ പഞ്ചായത്തുകളില്‍ എഡിഎഫിനാണ് നേരിട ഭൂരിപക്ഷം. എല്‍ഡിഎഫ് 359 പഞ്ചായത്തുകളിലും 316 ഇടത്ത യുഡിഎഫും ആണ് മുന്നില്‍. 27 പഞ്ചായത്തുകളില്‍ എന്‍ഡിഎ ആണ് മുന്നിലുള്ളത്.

സംസ്ഥാനത്തെ 14 ജില്ലകളിലെ 244 കേന്ദ്രങ്ങളിലാണ് വോട്ടെണ്ണുന്നത്. ജില്ലാ പഞ്ചായത്തിലേക്കുള്ള തപാല്‍ ബാലറ്റുകള്‍ കളക്ടറേറ്റുകളില്‍ കളക്ടര്‍മാരുടെ നേതൃത്വത്തില്‍ എണ്ണും.