ജിസാന്: അബഹ-അല്ദര്ബ് റോഡില് മര്ദ ചെക്ക്പോസ്റ്റിനു സമീപം ഇന്നലെ രാത്രിയുണ്ടായ വാഹനാപകടത്തില് മലയാളിയടക്കം രണ്ടു യുവാക്കള് മരിച്ചു. കാസര്കോട് പടന്ന കാഞ്ഞങ്ങാട് വലിയപറമ്പ സ്വദേശി മുഹമ്മദ് റിയാസ് (36), കര്ണ്ണാടക മംഗലാപുരം സ്വദേശി അമ്മാര് അഹമ്മദ് ശൈഖ് (25) എന്നിവരാണ് അപകടത്തില് മരിച്ചത്. കാസര്കോട് സ്വദേശി മുഹമ്മദ് തമീം, നേപ്പാള് സ്വദേശി ബിഷാല് എന്നിവര്ക്കാണ് പരിക്കേറ്റത്. ബിഷാലിന്റെ പരിക്ക് ഗുരുതരമാണ്. അബഹയില് നിന്ന് 80 കിലോമീറ്റര് അകലെ ജിസാനിലേക്കുള്ള റോഡില് ഇന്നലെ രാത്രി 10 മണിയോടെയാണ് അപകടമുണ്ടായത്.
ജിസാന് ലാന്ഡ്മാര്ക്ക് സെന്റര് പോയിന്റ് സ്റ്റോറിലെ ജീവനക്കാരായ ഇവര് അബഹയില് നിന്ന് കമ്പനി മീററിംഗ് കഴിഞ്ഞ ശേഷം ജിസാനിലേക്ക് മടങ്ങുകയായിരുന്നു. ഇവര് സഞ്ചരിച്ചിരുന്ന കാറിനെ ഓവര്ടേക്ക് ചെയ്ത് വന്ന ഒരു സൗദിപൗരന്റെ കാര് ഇടിച്ചാണ് അപകടമുണ്ടായത്. തുടര്ന്ന് നിയന്ത്രണം വിട്ട കാര് മറ്റൊരു വാഹനവുമായും കൂട്ടിയിടിച്ചു. ഇടിയുടെ ആഘാതത്തില് തകര്ന്ന കാറിലുണ്ടായിരുന്ന റിയാസും അമ്മാറും സംഭവസ്ഥലത്തു വെച്ചുതന്നെ മരിച്ചു. അപകടം അറിഞ്ഞയുടന് പോലീസും സൗദിരക്ഷാപ്രവര്ത്തകരും കമ്പനി അധികൃതരും സംഭവസ്ഥലത്തെത്തി രക്ഷാപ്രവര്ത്തനങ്ങള്ക്ക് നേതൃത്വം നല്കി. മുഹമ്മദ് റിയാസിന്റെയും അമ്മാര് അഹമ്മദിന്റെയും മൃതദേഹങ്ങള് പോലീസ് അബഹ അസീര് ആശുപത്രി മോര്ച്ചറിയിലേക്ക് മാറ്റി. പരിക്കേറ്റ നേപ്പാള് സ്വദേശി ബിഷാലിനെയും മുഹമ്മദ് തമീമിനെയും അല്ദര്ബ് ജനറല് ആശുപത്രിയില് പ്രവേശിപ്പിച്ചു.
കാസര്കോട് വലിയപറമ്പ റിയാസ് മന്സില് മുബാറക്കിന്റെയും റംലത്തിന് ഗല്ലാത്തിന്റെയും മകനാണ് മരിച്ച മുഹമ്മദ് റിയാസ്. വിവാഹിതനും ഒരു കുട്ടിയുടെ പിതാവുമാണ് റിയാസ്. ജിസാനിലും സബിയയിലുമുള്ള കമ്പനിയുടെ ഷോറൂമുകളില് ജോലിചെയ്യുകയായിരിന്നു.
ഫോട്ടോ: അപകടത്തില് മരിച്ച മുഹമ്മദ് റിയാസ്, അമ്മാര് അഹമ്മദ് ശൈഖ്.
Related News
