റിയാദ് - സൗദി അറേബ്യ അടക്കമുള്ള ഗള്ഫ് രാജ്യങ്ങളില് (ഒമാന് ഒഴികെ) ഇന്ന് റമദാന് വ്രതാനുഷ്ഠാനത്തിന് തുടക്കമായി. സൗദി സുപ്രീം കോടതി ചൊവ്വാഴ്ച വൈകുന്നേരം ഔദ്യോഗികമായി മാസപ്പിറവി സ്ഥിരീകരിച്ചതോടെ വിശ്വാസികള് ഇന്ന് പുലര്ച്ചെ മുതല് വ്രതം അനുഷ്ഠിച്ചു തുടങ്ങി.
വിശുദ്ധ മാസത്തിന്റെ തുടക്കത്തോടനുബന്ധിച്ച് സല്മാന് രാജാവും കിരീടാവകാശി മുഹമ്മദ് ബിന് സല്മാന് രാജകുമാരനും മുസ്ലിം രാഷ്ട്ര തലവന്മാര്ക്കും ജനങ്ങള്ക്കും ആശംസകള് നേര്ന്നു. വിശ്വാസികള്ക്ക് സമാധാനവും പുണ്യവും നിറഞ്ഞ മാസം ആശംസിച്ച് രാജാവ് സന്ദേശം അയച്ചു.
റമദാന് മാസത്തില് ഇരുഹറമുകളിലും തീര്ത്ഥാടകരുടെ തിരക്ക് വര്ധിക്കാനുള്ള സാധ്യത കണക്കിലെടുത്ത് വിപുലമായ സുരക്ഷാ ക്രമീകരണങ്ങളാണ് ഒരുക്കിയിരിക്കുന്നത്. ഹറം കാര്യാലയങ്ങള് ഇതിനായുള്ള ഓപ്പറേഷന് പ്ലാനുകള് നേരത്തെ തന്നെ തയ്യാറാക്കിയിരുന്നു.
ഏകദേശം 29 ദിവസമായിരിക്കും ഈ വര്ഷത്തെ റമദാന് നീണ്ടുനില്ക്കുക എന്നാണ് ജ്യോതിശാസ്ത്ര പ്രവചനങ്ങള് സൂചിപ്പിക്കുന്നത്. എങ്കിലും ശവ്വാല് മാസപ്പിറവി അനുസരിച്ചായിരിക്കും പെരുന്നാള് പ്രഖ്യാപിക്കുക.
Related News
