റിയാദ്- സൗദി അറേബ്യയും പാകിസ്ഥാനും തമ്മിലുള്ള ഉഭയകക്ഷി ബന്ധം ശക്തമാക്കുന്നതിന്റെ ഭാഗമായി വലിയൊരു സാമ്പത്തിക കരാര് ഒപ്പിടാനൊരുങ്ങുന്നു. ഇരുരാജ്യങ്ങളും തമ്മിലുള്ള സൈനിക സഹകരണത്തിന് പിന്നാലെയാണ് ഈ പുതിയ നീക്കം.
സൗദി അംബാസഡര് നവാഫ് ബിന് സഈദ് കഴിഞ്ഞ ദിവസം പാക് ഭരണകൂടവുമായി നടത്തിയ ചര്ച്ചയിലാണ് ഈ വിവരം പുറത്തുവന്നത്. പാകിസ്ഥാന്റെ സാമ്പത്തിക വളര്ച്ചക്കും നിക്ഷേപ മേഖലക്കും ഈ കരാര് വലിയ കരുത്തേകുമെന്ന് പ്രതീക്ഷിക്കപ്പെടുന്നു.
ഊര്ജ്ജം, കൃഷി, ഐടി തുടങ്ങിയ മേഖലകളില് വലിയ നിക്ഷേപങ്ങള് ഈ പാക്കേജിന്റെ ഭാഗമായി ഉണ്ടാകും. സൗദി വിഷന് 2030-ന്റെ ഭാഗമായി വിദേശ രാജ്യങ്ങളുമായുള്ള സാമ്പത്തിക ബന്ധങ്ങള് വ്യാപിപ്പിക്കുന്നതിന്റെ തുടര്ച്ചയാണിത്.
അടുത്ത മാസങ്ങളില് തന്നെ ഈ കരാറിന്റെ ഔദ്യോഗിക ഒപ്പിടല് ചടങ്ങ് നടക്കുമെന്നാണ് സൂചന. ഇത് മേഖലയിലെ സാമ്പത്തിക സ്ഥിരതക്ക് സഹായിക്കുമെന്ന് രാഷ്ട്രീയ നിരീക്ഷകര് കരുതുന്നു.
Related News
