റിയാദ്: സൗദി അറേബ്യയ്ക്ക് നേരെയുണ്ടായ മിസൈല് ആക്രമണങ്ങളെ അപലപിച്ചും രാജ്യത്തിന് ഐക്യദാര്ഢ്യം പ്രഖ്യാപിച്ചും ലോകനേതാക്കള്. അമേരിക്കന് പ്രസിഡന്റ് ഡൊണാള്ഡ് ട്രംപും സിറിയന് പ്രസിഡന്റ് അഹമ്മദ് അല്-ഷറയും സൗദി കിരീടാവകാശി മുഹമ്മദ് ബിന് സല്മാന് രാജകുമാരനുമായി ഫോണില് സംസാരിച്ചു.
സൗദി അറേബ്യക്കു നേരെയുണ്ടായ ആക്രമണത്തില് ട്രംപ് കടുത്ത പ്രതിഷേധം രേഖപ്പെടുത്തി. മേഖലയിലെ സമാധാനം തകര്ക്കുന്ന ഇറാന്റെ നീക്കങ്ങള്ക്കെതിരെ സൗദി സ്വീകരിക്കുന്ന ഏത് നടപടിക്കും അമേരിക്കയുടെ ഉറച്ച പിന്തുണയുണ്ടാകുമെന്ന് ട്രംപ് വ്യക്തമാക്കി. റിയാദും വാഷിംഗ്ടണും തമ്മിലുള്ള പ്രതിരോധ സഹകരണം ശക്തമായി തുടരുമെന്നും അദ്ദേഹം ഉറപ്പുനല്കി.
മേഖലയിലെ വര്ദ്ധിച്ചുവരുന്ന സൈനിക സംഘര്ഷങ്ങളുടെ പശ്ചാത്തലത്തിലാണ് സിറിയന് പ്രസിഡന്റ് അഹമ്മദ് അല്-ഷറ കിരീടാവകാശിയുമായി സംസാരിച്ചത്. സൗദി അറേബ്യയുടെ പരമാധികാരത്തിന്മേലുള്ള ഏതൊരു കടന്നുകയറ്റവും അംഗീകരിക്കില്ലെന്ന് അദ്ദേഹം പറഞ്ഞു. മിസൈല് ആക്രമണങ്ങളുടെ പശ്ചാത്തലത്തില് സൗദിക്ക് എല്ലാവിധ ഐക്യദാര്ഢ്യവും സിറിയ പ്രഖ്യാപിച്ചു.
മേഖലയില് ഇറാന് അനുകൂല ഗ്രൂപ്പുകളുടെ ഭീഷണി വര്ദ്ധിക്കുന്ന സാഹചര്യത്തില് ഈ നയതന്ത്ര ചര്ച്ചകള്ക്ക് വലിയ പ്രാധാന്യമാണ് രാഷ്ട്രീയ നിരീക്ഷകര് നല്കുന്നത്.
Related News
