മനാമ: യുണൈറ്റഡ് അറബ് എമിറേറ്റ്സ്, ബഹ്റൈന്, സൗദി അറേബ്യ, ഒമാന്, ഖത്തര്, കുവൈറ്റ് എന്നീ ആറ് ഗള്ഫ് രാജ്യങ്ങള്ക്ക് പുറമെ ജോര്ദാനെയും ലക്ഷ്യമിട്ട് ഇറാന് നടത്തിയ ആക്രമണങ്ങള് അന്താരാഷ്ട്ര നിയമങ്ങളുടെയും യുഎന് ചാര്ട്ടറിന്റെയും നഗ്നമായ ലംഘനമാണെന്ന് ജി.സി.സി കൗണ്സില് വിലയിരുത്തി.
ജി.സി.സി രാജ്യങ്ങളുടെ സുരക്ഷ അവിഭാജ്യമാണ്. ഏതെങ്കിലും ഒരു അംഗരാജ്യത്തിന് നേരെയുള്ള ആക്രമണം എല്ലാ ഗള്ഫ് രാജ്യങ്ങള്ക്കും നേരെയുള്ള ആക്രമണമായി കണക്കാക്കും. സംയുക്ത പ്രതിരോധ കരാര് പ്രകാരം ഇതിനെ നേരിടും. യുഎന് ചാര്ട്ടറിലെ ആര്ട്ടിക്കിള് 51 പ്രകാരം, തങ്ങളുടെ പരമാധികാരവും സുരക്ഷയും സംരക്ഷിക്കുന്നതിനായി വ്യക്തിപരമായും കൂട്ടായും തിരിച്ചടിക്കാനുള്ള നിയമപരമായ അവകാശം ഗള്ഫ് രാജ്യങ്ങള്ക്കുണ്ട്.
മേഖലയില് സംഘര്ഷം ഒഴിവാക്കാന് ഗള്ഫ് രാജ്യങ്ങള് നിരവധി നയതന്ത്ര ശ്രമങ്ങള് നടത്തിയിരുന്നു. തങ്ങളുടെ മണ്ണ് ഇറാനെതിരായ നീക്കങ്ങള്ക്കായി ഉപയോഗിക്കില്ലെന്ന് ഉറപ്പുനല്കിയിട്ടും, ജനവാസ കേന്ദ്രങ്ങളെയും സിവിലിയന് സ്ഥാപനങ്ങളെയും ലക്ഷ്യമിട്ട് ഇറാന് ആക്രമണം തുടരുകയാണെന്ന് കൗണ്സിോ
ഗള്ഫ് മേഖലയിലെ അസ്ഥിരത ആഗോള ഊര്ജ്ജ വിപണിയെയും ചരക്ക് നീക്കത്തെയും ബാധിക്കും. ജലപാതകളുടെയും വിതരണ ശൃംഖലകളുടെയും സുരക്ഷ ഉറപ്പാക്കേണ്ടത് ആഗോള സാമ്പത്തിക ഭദ്രതയ്ക്ക് അനിവാര്യമാണ്.
ഇറാന് നടത്തുന്ന ഈ പ്രകോപനപരമായ ലംഘനങ്ങള് തടയാന് ഐക്യരാഷ്ട്രസഭയുടെ സുരക്ഷാ കൗണ്സില് ഉടനടി ഇടപെടണമെന്ന് ജി.സി.സി ആവശ്യപ്പെട്ടു. പ്രാദേശികവും അന്തര്ദ്ദേശീയവുമായ സമാധാനത്തിന് ഭീഷണിയായ ഇത്തരം ആക്രമണങ്ങള് ആവര്ത്തിക്കാതിരിക്കാന് ശക്തമായ നിലപാട് സ്വീകരിക്കണമെന്നും കൗണ്സില് ലോകരാഷ്ട്രങ്ങളോട് ആഹ്വാനം ചെയ്തു.
ഫോട്ടോ: ജിസിസി മിനിസ്റ്റീരിയല് കൗണ്സില് യോഗം ഓണ്ലൈനില് ചേര്ന്നപ്പോള്.
Related News
