ടെഹ്റാന്: ഇറാന്-അമേരിക്ക സംഘര്ഷത്തെത്തുടര്ന്ന് ഇറാനില് ഇതുവരെ കൊല്ലപ്പെട്ടവരുടെ എണ്ണം 1045 ആയതായി ഔദ്യോഗിക കേന്ദ്രങ്ങള് വെളിപ്പെടുത്തി. കൊല്ലപ്പെട്ട പരമോന്നത നേതാവ് അയത്തുള്ള അലി ഖാംനഇയുടെ ബുധനാഴ്ച നിശ്ചയിച്ചിരുന്ന സംസ്കാര ചടങ്ങുകള് മാറ്റിവെച്ചു. ജനത്തിരക്ക് കണക്കിലെടുത്ത് അടിസ്ഥാന സൗകര്യങ്ങള് വര്ദ്ധിപ്പിക്കാനാണ് മാറ്റമെന്നാണ് വിശദീകരണം. ഖാംനഇയുടെ രണ്ടാമത്തെ മകന് മൊജ്താബ ഖമേനിയെ പിന്ഗാമിയായി തെരഞ്ഞെടുക്കപ്പെട്ടിട്ടുണ്ട്.
അമേരിക്കന്-ഇസ്രായേല് ആക്രമണങ്ങള്ക്ക് മറുപടിയായി ഇറാന് തിരിച്ചടി ശക്തമാക്കി. സൗദി അറേബ്യ, യുഎഇ, ഖത്തര്, കുവൈത്ത് എന്നിവിടങ്ങളിലെ അമേരിക്കന്-ഇസ്രായേല് താവളങ്ങള്ക്ക് നേരെ ബുധനാഴ്ചയും ഇറാന് ആക്രമണം നടത്തി. ലബനനിലെ വിവിധ നഗരങ്ങളില് ഇസ്രായേല് നടത്തിയ വ്യോമാക്രമണത്തില് ആറ് പേര് കൊല്ലപ്പെട്ടു. ലബനനില് നിന്ന് ഇതിനോടകം മുപ്പതിനായിരത്തിലധികം ആളുകള് പലായനം ചെയ്തതായി ഐക്യരാഷ്ട്രസഭ അറിയിച്ചു.
Related News
